Manoj Jarange: ऑगस्टला कुणबी प्रमाणपत्रावरून उपोषणाचा इशारा देणाऱ्या जरांगेंनी आता आपली रणनीती बदललीय...कुणबी दाखले जात पडताळणीत रद्द होत असल्यामुळे जरांगेंनी आता आक्रमक पवित्रा घेतलाय. जरांगेंनी पुन्हा एकदा मुंबईत धडक देण्याचा इशारा दिलाय. आणि यावेळ केवळ महाराष्ट्रातीलच नव्हे तर इतर राज्यांमधील मराठेही आंदोलनात सहभागी होणार असल्याचं जरांगेंचं म्हणणंय.

दरम्यान सरकारनं चुक कबुल करून अवैध ठरवलेले जात प्रमाणपत्र पुन्हा वैध करण्याची मागणी जरांगेंनी केलीय. मात्र महसूल खात्याचा संबंध केवळ जात प्रमाणपत्र वाटपाचा असून 22 लाख प्रमाणपत्र दिल्याचा दावा बावनकुळेंनी केलाय.

मंत्रिमंडळाच्या मराठा आरक्षण उपसमितीची बैठक घेण्यात आली. मात्र त्यात कुणबी नोंदीबाबत कोणतीही चर्चा झाली नाही. त्यामुळे यावर तातडीनं तोडगा निघाला नाही तर जरागें 29 ऑगस्टला आंतरवाली सराटीत उपोषण करण्याऐवजी पुन्हा मुंबईत धडक देणार आणि सरकारची डोकेदुखी वाढवणार का याकडे सारं लक्ष लागलंय.