मनोज जरांगें पाटील यांनी राज्यभर सुरू केलीली मराठा आरक्षण जागृती शांतता रॅली आज सांगली आहे. जरांगेंची यावेळी तुफान फटकेबाजी पहायला मिळाली. उपमुख्यमंत्री देवेंद्र फडणवीस यांनी मला नोटीसच पाठवली आणि समजलं की माझ्या मागे एसआयटी पण आहे. छगन भुजबळच्या माध्यमातून अनेक नेते माझ्या विरोधात उभे केले, असा आरोप केला. यावेळी रॅलीत सुरू असलेल्या गोंधळाला शातं करण्यासाठी त्यांनी, कोण आहे रे तिकडे की छगन भुजबळ आलेत, असं म्हणताच कार्यकर्त्यांनी एकच जल्लोष केला.

तुम्हाला तुमचा पक्ष मोठा करायचा आहे पण मला माझ्या मराठ्यांचे लेकरं मोठे करायचे आहेत. छगन भुजबळ यांच्या माध्यमातून अनेक नेते माझ्या विरोधात उभे केले. मी आरक्षण मागत आहे ना की माझी जात मोठी करत आहे. भुरट्या चोरापासून सगळे देवेंद्र फडणवीसकडेच आहेत. सगळे भुरटेच माझ्या मागे लावले आहेत.

एकदा आरक्षण मिळू द्या. मग तुम्ही कुठल्या पक्षात जायचं ते जा. सगळ्या जाती धर्मांना वाटले आपण पण एक झाले पाहिजे. महाराष्ट्रला नवीन आदर्श सांगली जिल्ह्याने दिला आहे. भर पावसात मराठा बांधव उभे होते. मी आज सकाळपासून अस्वस्थ आहे. तुम्हाला आरक्षण देईपर्यंत मी मागे हटणार नाही. आरक्षण म्हणजे त्यांच्या बापाची जहागीरदारी नाही. फक्त एकदाच साथ द्या यांच्या छताड्यावर पाय ठेवू, असंही ते म्हणाले आहेत.