मराठा आंदोलनासाठी सत्ताधाऱ्यांविरोधात रानं उठवणाऱ्या जरांगेंच्या याचं आरोपामुळे राज्यात एकच खळबळ माजलीय..आपल्या हत्येसाठी तीन कट रचले होते असा गौप्यस्फोटच त्यांनी केलाय. यासाठी घेतेलल्या पत्रकार परिषदेत त्यांनी थेट धनंजय मुंडेंचं नाव घेऊन मुंडेंनीच मला मारण्यासाठी मोठा कट रचल्याचा गंभीर आरोप करत जरांगेनी एकच खळबळ उडवून दिलीय.

जरांगेंनी पत्रकार परिषद घेऊन मुंडेचं नाव घेतल्यानंतर अवघ्या दोन तासांत मुंडेंनीही पत्रकार परिषद घेऊन माझं राजकीय अस्तित्व संपवण्यासाठी जरांगे आरोप करत असल्यांच सांगत मुंडेंनी थेट सीबीआय चौकशीची मागणी केलीय.

संतोष देशमुख हत्या प्रकरणावरून जरांगेंनी अनेकवेळा धनंजय मुंडेंना टार्गेट केलं... त्यानंतर मराठा आरक्षणाचा मुद्दा तापल्यानंतर ओबीसी विरुद्ध मराठा अशा संघर्षाला सुरुवात झाली... आणि मुंडे- जरांगे याच्यातील वाद आणखीनच तापला...आता हाच संघर्ष थेट हत्येच्या कटापर्यंत पोहचल्यानं नव्या वादाला तोंड फुटलयं... जरांगे आणि मुंडेंच्या आरोप प्रत्यारोपामुळे ओबीसी विरुद्ध हा मराठा संघर्ष अधिकच चिघळणार, हे निश्चित...