राज्यातील मुख्यमंत्री माझी लाडकी बहीण योजनेतील ज्या महिला लाभार्थी शेतकरी सन्मान निधी योजनांचाही लाभ घेतात. त्यांना आता दरमहा दीड हजार रुपयांऐवजी अवघे 500 रुपयेच मिळणार आहेत. त्यामुळे शेतकरी सन्मान निधीचा धक्का लाडकीला बसण्याची शक्यता आहे.

प्रधानमंत्री किसान सन्मान निधी योजनेतून 6 हजार

राज्याच्या नमो शेतकरी सन्मान निधी योजनेतून 6 हजार

एकूण 12 हजार रुपये दरवर्षी शेतकरी लाभार्थ्याच्या खात्यात

राज्यात महायुती सरकार स्थापन झाल्यानंतर योजनेत सुसूत्रता आणण्याचे संकेत मुख्यमंत्री देवेंद्र फडणवीसांनी दिले होते.. तर त्यानंतर नमो शेतकरी सन्मान योजनेच्या लाभार्थी असलेल्या 20 लाख लाडक्या बहीणींना वगळण्यात येण्याची चर्चा रंगली.. मात्र अखेर राज्य सरकारने त्यावर तोडगा काढत लाडक्या बहीणीचा हप्ता आणि नमो शेतकरी योजनेतील फरकाचा आधार घेत महिला शेतकऱ्यांना दीड हजार ऐवजी 500 रुपयेच देण्याच्या हालचाली सुरु केल्या... मात्र उपमुख्यमंत्री एकनाथ शिंदेंनी सरकार लाडक्या बहीणींना एकवीसशे रुपये देणार असल्याचं म्हटलंय.

महायुती सरकारच्या विजयात सर्वात मोठा वाटा शेतकरी लाडक्या बहीणींचा होता.. मात्र आता शेतकरी लाडक्या बहीणींच्या लाभावरच सरकार कुऱ्हाड चालवणार असेल तर त्याचा फटका आगामी काळातील स्थानिक स्वराज्य संस्थांच्या निवडणुकीत बसल्याशिवाय राहणार नाही, हे मात्र निश्चित....