नाशिकच्या जागेवरून भाजप आणि शिवसेनेत वाद जुंपल्याच चित्र आहे. नाशिक मध्य जागेवर शिंदे गटाने दावा केल्यानंतर आता भाजप नेत्यांनीही आक्रमक भूमिका घेतलीय. नाशिकमधील ४ पैकी २ जागा शिवसेना लढणार असल्याची इच्छा सेनेचे प्रवक्ते संजय शिरसाठ यांनी व्यक्त केली होती. नाशिकमधील तिन्ही विधानसभा मतदारसंघात भाजपचे विद्यमान आमदार, त्यामुळे तिन्ही जागा भाजपच लढवणार असल्याचं भाजप प्रदेश प्रवक्ते प्रदीप पेशकार म्हणालेत.

नाशिक मध्य विधानसभेवर शिवसेनेने दावा केला होता. अजय बोरस्ते हे आमदार होतील, संजय शिरसाठ यांनी काल दावा केला होता. मात्र आज भाजप प्रवक्ते प्रदीप पेशकार यांनी शिवसेनेचा दावा फेटाळून लावलाय. जागेवरील दावेदारीमुळे भाजप आणि शिवसेना आमनेसामने येणार असल्याचं चित्र तयार झालंय. कारण अजय बोरस्ते नाशिक मध्य मतदारसंघातून निवडणूक लढवण्यासाठी इच्छुक आहेत. तर मध्य मतदारसंघ सध्या भाजपकडे, देवयानी फरांदे गेल्या दोन टर्मपासून आमदार आहेत.