मुंबई : राज्यात आज २३ ऑगस्ट रोजी कोकण, मुंबई, पुणे आणि रायगडमध्ये पावसाचा कहर कायम असल्याचं पाहायला मिळतंय. आज राज्यातील काही जिल्ह्यांना पावसासाठी यलो अलर्ट देण्यात आलाय. मध्य महाराष्ट्राच्या घाटमाथ्यासह कोकणात आज जोरदार पावसाचा अंदाज हवामान विभागाने वर्तवला आहे. तर मराठवाडा, उत्तर महाराष्ट्र आणि विदर्भामध्ये देखील तुरळक पाऊस पडण्याची शक्यता वर्तवली जातेय.

कोकणात आज पावसाचा येलो अलर्ट

ठाणे, रत्नागिरी, पुणे आणि रायगड जिल्ह्यांमध्ये जोरदार पावसासाठी येलो अलर्ट हवामान विभागाने जारी (Maharashtra weather Update) केलाय. जळगाव, नाशिक, नंदुरबार, धुळे, छत्रपती संभाजीनगर, अकोला, अमरावती, वाशीम, जालना, बीड, बुलडाणा, यवतमाळ, वर्धा, गोंदिया, चंद्रपूर, गडचिरोली, (weather Update) नागपूर आणि भंडारा या जिल्ह्यांमध्ये विजांसह तुरळक पाऊस पडण्याचा अंदाज आहे.

तुरळक पाऊस पडण्याची शक्यता

राज्यात गुरुवारी २२ ऑगस्ट रोजी सकाळपर्यंत २४ तासांत वर्धा येथे उच्चांकी ३५ अंश सेल्सिअस तापमानाची नोंद झालीय. तर राज्यामध्ये अनेक ठिकाणी तापमान ३२ अंश सेल्सिअसच्या वर आहे. ढगाळ हवामानामुळे उकाड्यामध्ये देखील वाढ (rain update) झालीय. तुरळक ठिकाणी हलक्या सरी कोसळताना दिसतेय. उत्तर महाराष्ट्रासह मराठवाडा आणि विदर्भात तुरळक ठिकाणी विजांसह पावसाचा इशारा देण्यात आलाय.

पावसाचा जोर कायम

हवामान विभागाने वर्तवलेल्या अंदाजानुसार मुंबई, पालघर, ठाणे आणि रत्नागिरीसह सिंधुदुर्गमध्ये येत्या २ दिवसांत जोरदार पावसाच्या सरी कोसळण्याची शक्यता आहे. आज मुंबईत हलका ते मध्यम स्वरूपाचा पाऊस होण्याची देखील शक्यता आहे. मुंबईत कमाल तापमान ३१ तर किमान तापमान २२ डिग्री सेल्सिअस आहे. राज्यातील काही जिल्ह्यांत पुढील काही दिवस जोरदार पाऊस (rain alert) पडण्याची शक्यता पुणे वेधशाळेने वर्तवली आहे. कोकण पुढील सात दिवस पावसाचा अंदाज आहे.