Nandurbar Heavy Rain : नंदुरबारमध्ये मुसळधार..पूल वाहून गेल्याने बारा गावांचा संपर्क तुटला; दुचाकीसह तरुण पडला पुराच्या पाण्यात

सागर निकवाडे 

नंदुरबार : नंदुरबार जिल्ह्यातील काही भागात पावसाने जोरदार हजेरी लावली आहे. यामुळे नदी, नाल्यांना पूर आला आहे. या दरम्यान अक्कलकुवा तालुक्यातील मोरखी तीन गुण्या पाडा ते देव मोगरा दरम्यान असलेल्या पुल पुरामुळे वाहून गेला. त्यामुळे अंदाज न आल्याने मोटर सायकलसह दुचाकीस्वार वाहून जात होता. मात्र नागरिकांच्या मदतीने मोटरसायकल वाचवण्यात यश आले.

अक्कलकुवा (Akkalkuwa) तालुक्यातील बोरकी तीन गुनिया पाडा ते देव मोगरा दरम्यान असलेल्या रस्त्यावर पूल अनेक दिवसांपासून जीर्ण अवस्थेत होता. या भागात झालेल्या मुसळधार पावसामुळे (Heavy Rain) नदीला पूर आला असून या पुरात नदीवरील हा पूल वाहून गेला. या दरम्यान एक प्रवासी आपल्या दुचाकीने जात असताना पुलावरील खड्ड्याचा अंदाज न आल्याने दुचाकीसह तो नदीच्या प्रवाहात वाहू लागला. दरम्यान नागरिकांच्या मदतीने दुचाकीसह त्याला बाहेर काढण्यात आले. 

१२ गावांचा संपर्क तुटला 

या नदीवरील पूल वाहून गेल्याने १२ गावांचा संपर्क तुटला आहे. पूल मंजूर असूनही तयार करण्यास दिरंगाई झाल्याने अनेक गावांचा संपर्क तुटल्याने त्यांना विविध समस्यांचा सामना करावा लागणार आहे. या ठिकाणी दुचाकीस्वार मोठी कसरत करत गावकऱ्यांच्या मदतीने दुचाकी एका बाजू होऊन दुसऱ्या बाजूला घेऊन जात आहेत.