Maharashtra Rain News Today : राज्यात पावसानं उघडीप दिल्यानं उन्हाचा चटका आणि उकाड्यात वाढ झाली. मान्सूनचे प्रवाह कमजोर झाला असला, तरी राज्यात पावसाला पोषक हवामान तयार होतंय. आज राज्यात विजांसह वादळी पावसाचा (Maharashtra Weather Update) अंदाज असल्यानं सतर्कतेचा इशारा हवामान विभागानं दिला आहे. मुंबईसह कोकण, मध्य महाराष्ट्र, मराठवाडा, विदर्भात वादळी पावसाचा अंदाज वर्तवण्यात आला आहे.

महाराष्ट्रात मान्सूनने दणक्यात एन्ट्री केली. चार-पाच दिवसात राज्यात पावसाने धुमाकूळ घातला. पण त्यानंतर पावसाने ब्रेक घेतला अन् राज्यात उकाडा वाढला. मान्सूनचा प्रवास संथ गतीने सुरू झाला. मान्सून मंद गतीने पुढे सरकत आहे, काही दिवसात मान्सून महाराष्ट्र व्यापेल. पण सध्या महाराष्ट्रात पावसासाठी पोषक वातावरण तयार झालेय. राज्यात २३ जिल्ह्यांना हवामान विभागाने पावसाचा अलर्ट दिला आहे. हवामान विभागाच्या अंदाजानुसार, ४० ते ५० किमी/तास वेगाने सोसाट्याचे वारे, विजांसह हलक्या ते मध्यम स्वरूपाचा पाऊस पडण्याची शक्यता आहे.

महाराष्ट्रात येत्या २४ तासांत काही ठिकाणी वादळी पावसाचा अंदाज हवामान खात्याने वर्तवला आहे. राज्यात कोकण आणि गोव्यासह काही भागांत ३०-४० किमी प्रतितास वेगाने वादळी वारे आणि विजांसह पाऊस पडण्याची शक्यता आहे. यामुळे नागरिकांना सतर्क राहण्याचा सल्ला देण्यात आला आहे. कोकणातील किनारपट्टी भागात हलक्या ते मध्यम स्वरूपाच्या पावसाची अपेक्षा आहे, तर मध्य महाराष्ट्रातही काही ठिकाणी पावसाच्या सरी कोसळू शकतात. याशिवाय, मच्छीमारांना समुद्रात न जाण्याचा इशारा देण्यात आला आहे, कारण अरबी समुद्रात आणि लगतच्या भागात ४५-५५ किमी प्रतितास वेगाने वाहणाऱ्या वाऱ्यांसह खवळलेले वातावरण आहे. .

आज कुठे कुठे पाऊस कोसळणार ?

ठाणे, मुंबई, रायगड, रत्नागिरी, धुळे, जळगाव, नाशिक, अहिल्यानगर, सातारा, सांगली, सोलापूर, छत्रपती संभाजीनगर, धाराशिव, बुलडाणा, अकोला, अमरावती, वाशीम, यवतमाळ, वर्धा, नागपूर, चंद्रपूर, गडचिरोली जिल्ह्यांत विजासंह वादळी पावसाचा अंदाज हवामान विभागाने वर्तवला आहे. हवामान विभागाकडून या जिल्ह्यांना सतर्कतेचा इशारा (येलो अलर्ट) देण्यात आला आहे.