पुढील ३ दिवस महाराष्ट्रात मुसळधार पावसाचा अंदाज.
मुंबई, पुणे, कोकणसह १५ पेक्षा जास्त जिल्ह्यांना रेड आणि ऑरेंज अलर्ट.
पावसामुळे शेती आण जनजीवन विस्कळीत. अनेक ठिकाणी पूरस्थिती निर्माण झाली आहे.
नागरिकांना प्रशासनाकडून सतर्क राहण्याचे आवाहन करण्यात आले आहे.
राज्याला मुसळधार पावसाने झोडपून काढले. अनेक जिल्ह्यात तुफान पाऊस पडत असून पूरस्थिती निर्माण झाली आहे. त्यामुळे शेतीचे, घरांचे मोठे नुकसान झाले आहे. या पूरामध्ये अनेक जण वाहून गेल्याच्या देखील घटना घडल्या आहेत. अशामध्ये राज्यात पुढील दोन ते तीन दिवस मुसळधार पावसाचे असणार आहे. हवामान खात्याकडून अनेक जिल्ह्यांना रेड आणि ऑरेंज अलर्ट देण्यात आला आहे. या जिल्ह्यांमध्ये मुसळधार ते अतिमुसळधार पाऊस पडण्याची शक्यता आहे. राज्यात कोणत्या जिल्ह्यामध्ये कसा पाऊस पडणार हे जाणून घ्या...
हवामान खात्याने दिलेलेल्या माहितीनुसार, मुंबई- पुण्यासह राज्यातील बहुतांश जिल्ह्यात पुढील २ ते ३ दिवस मुसळधार पावसाची शक्यता पुणे वेधशाळेने वर्तवली आहे. पश्चिम बंगालच्या उपसागरात कमी दाबाचे क्षेत्र निर्माण झाल्यामुळे राज्यात मुसळधार पाऊस पडण्याची शक्यता आहे. त्यानंतर पावसाचा जोर काहीसा कमी होईल असा सुद्धा अंदाज यावेळी हवामान खात्याकडून वर्तवण्यात आला.
मुंबईत आज आणि उद्या अतिमुसळधार पाऊस पडण्याची शक्यता असून बुधवारपासून पावसाचा जोर कमी होईल असा पूर्वानुमान हवामान खात्याकडून वर्तवण्यात आला आहे. मुंबई, कोकणला रेड अलर्ट असून पुण्यातील घाट माथ्यावर ऑरेंज अलर्ट दिला आहे. पुढचे ३ दिवस मुसळधार पावसाचे असल्यामुळे नागरिकांनी आणि शेतकऱ्यांनी घराबाहेर पडताना काळजी घ्यावी आणि सतर्क राहावे असे आवाहन हवामान खात्याकडून करण्यात आले आहे.
रेड अलर्ट -
ठाणे, मुंबई, रायगड, रत्नागिरी, पुणे घाटमाथा, कोल्हापूर घाटमाथा, सातारा घाटमाथा,
ऑरेंज अलर्ट-
पालघर, सिंधुदुर्ग, जळगाव, संभाजीनगर, जालना, बीड, लातूर, अमरावती,
येलो अलर्ट -
धुळे, नंदुरबार, नाशिक, नाशिक घाटमाथा, अहिल्यानगर, पुणे, सातारा, सोलापूर, परभणी, हिंगोली, नांदेड, धाराशिव, अकोला, भंडारा, बुलडाणा, चंद्रपूर, गडचिरोली, गोंदिया, नागपूर, वर्धा, वाशिम, यवतमाळ
रेड अलर्ट -
पालघर, ठाणे, मुंबई, रायगड, नाशिक घाटमाथा, पुणे घाटमाथा, सातारा घाटमाथा
ऑरेंज अलर्ट-
रत्नागिरी, सिंधुदुर्ग, कोल्हापूर घाटमाथा, गडचिरोली
येलो अलर्ट -
धुळे, नंदुरबार, जळगाव, नाशिक, अहिल्यानगर, पुणे, सातारा, सांगली, संभाजीनगर, जालना, परभणी, बीड, हिंगोली, नांदेड, लातूर, अकोला, अमरावती, भंडारा, बुलडाणा, चंद्रपूर, गोंदिया, नागपूर, वर्धा, वाशिम, यवतमाळ
ऑरेंज अलर्ट- पालघर, ठाणे, मुंबई, राडगड, नाशिक घाटमाथा, पुणे घाटमाथा, कोल्हापूर घाटमाथा, सातारा घाटमाथा,
येलो अलर्ट - रत्नागिरी, सिंदुधुर्ग, धुळे, नंदुरबार, नाशिक, अकोला, अमरावती, भंडारा, बुलडाणा, चंद्रपूर, गडचिरोली, गोंदिया, नागपूर, वर्धा, वाशिम, यवतमाळ
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.