Mumbai Rain : मानखुर्दमध्ये पावसाचे तांडव, रस्त्यांवर नदी, कमरेइतके पाणी, नागरिकांची कसरत

Mumbai Mankhurd Rain Update : मुंबईसह उपनगरात दोन दिवसांपासून पावासाचा जोर कायम आहे. आज सकाळपासून पावसाने धुमाकूळ घातला. पावसामुळे मानखुर्द परिसरात रस्त्यांना नदीचं स्वरूप आले आहे. रस्त्यावर कमरेइतके पाणी साचले आहे. त्यातून वाट काढत लोक घराकडे जात आहे.

मुंबईसह उपनगरात मुसळधार पावसाचा जोर कायम आहे. मानखुर्द परिसरातील रस्त्यांना नदीसारखे पाणी साचले आहे. सखल भागांमध्ये पाणी भरल्यामुळे मुंबईतील जनजीवन विस्कळीत झाले आहे. पुढील चार तासात मुंबईमध्ये पावसाचा जोर आणखी वाढण्याची शक्यता आहे. हवामान विभागाकडून रेड अलर्ट देण्यात आला आहे.

पावसामुळे मानखुर्द परिसरात कमरेइतके पाणी साचले आहे. त्यामुळे जनजीवन विस्कळीत झाले आहे. रस्त्यांवर पाण्याचा निचरा न झाल्याने वाहतूक ठप्प झाली असून, अनेक घरांमध्ये पाणी शिरले आहे. स्थानिक प्रशासनाने पाणी उपसण्यासाठी पंप सुरू केले. परंतु पावसाचा जोर कमी न झाल्याने प्रयत्न अपुरे पडत आहेत.