Maharashtra : स्थानिक स्वराज्य संस्थांच्या निवडणुका आम्ही (भाजप, अजित पवार गट आणि शिंदे गट) एकत्र महायुती म्हणून लढवणार आहोत, असे मुख्यमंत्री देवेंद्र फडणवीस यांनी म्हटले होते. आगामी निवडणुका आम्ही स्वबळावर लढवणार आहोत. काही ठिकाणी मतभेद असले, तरी महायुती हाच आमच्यासमोरचा पहिला पर्याय राहील, असे वक्तव्य देवेंद्र फडणवीस यांनी केले होते. महायुतीतील अन्य नेत्यांनीही अशीच भूमिका मांडली होती.

मुख्यमंत्र्यांकडून राज्यातील स्थानिक स्वराज्य संस्थांच्या निवडणुकीत एकत्र लढणार असल्याचे स्पष्ट करण्यात आले आहे. पण निवडणुकीपूर्वी शिंदे गटाकडून स्वबळाची चाचणी सुरु असल्याचे म्हटले जात आहे. आज (२४ ऑगस्ट) शिंदे गटाच्या नाशिकमधील कार्यालयात आढावा बैठक पार पडली. या बैठकीला मंत्री दादा भुसे उपस्थित होते. तेव्हा प्रत्येक जागेसाठी पूर्ण तयारी ठेवण्याचे आदेश दादा भुसे यांनी पदाधिकाऱ्यांना दिले.

पंचायत समिती असो किंवा महापालिकेचा वॉर्ड, प्रत्येक ठिकाणी आपला उमेदवार सज्ज असला पाहिजे, असे दादा भुसे यांनी म्हटले आहे. नाशिक महानगरपालिका आणि जिल्हा परिषदेवर १००% भगवा फडवण्याचा निर्धार त्यांनी व्यक्त केला आहे. त्यांच्या या विधानानंतर शिवसेना शिंदे गट महापालिकेत स्वबळावर निवडणुकीची तयारी करत असल्याची चर्चा रंगली आहे.

महायुतीमधील पक्ष एकत्रितपणे आगामी स्थानिक स्वराज्य संस्थांच्या निवडणुका लढणार असल्याचे मुख्यमंत्र्यांनी स्पष्ट केले आहे. दुसऱ्या बाजूला, महाविकास आघाडीमधील पक्ष आगामी निवडणुका युतीतून लढवणार की स्वबळाचा नारा देणार हे अजूनही स्पष्ट झालेले नागी. आगामी निवडणुका प्रतिष्ठेच्या ठरणार असल्याने सर्व पक्षांनी मोर्चेबांधणीला सुरुवात केली आहे.