Summary -

• सोलापुरमध्ये मोठा राजकीय भूकंप झाला

• सोलापूर जिल्ह्यातील २ नगराध्यक्ष आणि ६ नगरसेवक पदांच्या निवडणुकांना स्थगिती देण्यात आली

• अनगर नगरपंचायत निवडणूक चर्चेत होती

• अनगर नगरपंचायतीची निवडणूक स्थगित करण्यात आली

सोलापूर जिल्ह्यातील २ नगराध्यक्षपद आणि ६ नगरसेवक पदाच्या निवडणुकांना स्थगिती देण्यात आली आहे. यामध्ये बहुचर्चित अनगर नगरपंचायतच्या नगराध्यक्षपदाच्या निवडणुकीला देखील स्थगिती देण्यात आली आहे. जिल्हाधिकारी कुमार आशीर्वाद यांनी याबाबत आदेश काढले आहेत. यामध्ये मैंदर्गी, सांगोला, मंगळवेढा, मोहोळ, बार्शी, पंढरपूर या नगरपरिषदेतील नगरसेवक पदाच्या निवडणुकीला स्थगिती देण्यात आली आहे.

सोलापूर जिल्हाधिकारी कुमार आशीर्वाद यांनी अनगर नगरपंचायतीच्या अध्यक्षपदाची निवडणूक स्थगित करण्याचे आदेश दिले आहेत. सोलापुरच्या जिल्हाधिकाऱ्यांनी यासंदर्भात परिपत्रक काढून एक आदेश काढलेला आहे. त्या आदेशानुसार सोलापूर जिल्ह्यामधील दोन नगराध्यक्षपद आणि सहा वेगवेगळ्या ठिकाणच्या नगरपालिकेतील नगरसेवक पदाच्या निवडणुकांना आता स्थगिती आलेल्या आहेत. या निर्णयामुळे अनगरसह मंगळवेढा, मोहोळ, बार्शी आणि पंढरपूर येथील राजकीय वर्तुळात खळबळ उडाली आहे. प्रशासकीय कारणास्तव या निवडणुका पुढे ढकलण्यात आल्याचे स्पष्ट झाले आहे.

सोलापूर जिल्हाधिकारी कुमार आशीर्वाद यांनी अनगर नगरपंचायतीच्या अध्यक्षपदाची निवडणूक स्थगित करण्याचे आदेश दिले आहेत. सोलापुरच्या जिल्हाधिकाऱ्यांनी यासंदर्भात परिपत्रक काढून एक आदेश काढलेला आहे. त्या आदेशानुसार सोलापूर जिल्ह्यामधील दोन नगराध्यक्षपद आणि सहा वेगवेगळ्या ठिकाणच्या नगरपालिकेतील नगरसेवक पदाच्या निवडणुकांना आता स्थगिती आलेल्या आहेत. या निर्णयामुळे अनगरसह मंगळवेढा, मोहोळ, बार्शी आणि पंढरपूर येथील राजकीय वर्तुळात खळबळ उडाली आहे. प्रशासकीय कारणास्तव या निवडणुका पुढे ढकलण्यात आल्याचे स्पष्ट झाले आहे.

सांगोल्यात आजी- माजी आमदारांची प्रतिष्ठा पणाला लागली आहे. संपूर्ण राज्याचे लक्ष लागलेल्या सोलापूर जिल्ह्यातील सांगोला नगरपरिषदेच्या निवडणुकीत शिवसेनेची माजी आमदार शहाजी पाटील आणि शेतकरी कामगार पक्षाचे आमदार बाबासाहेब देशमुख यांची प्रतिष्ठा पणाला लागली आहे. येथील निवडणुकीत प्रथमच भाजप आणि शेतकरी कामगार पक्ष एकत्रित आले आहेत. तर शिवसेनेचे माजी आमदार शहाजी बापू पाटील हे एकाऐकी लढत देत आहेत.

भाजपने ज्येष्ठ नेते मारुती बनकर आणि शिवसेनेचे आनंदा माने यांच्यात लढत होणार आहे. भाजप आणि शिवसेनेने मोठी ताकद लावली आहे. शिवसेनेचे उमेदवार आनंदा माने यांच्यासाठी उपमुख्यमंत्री एकनाथ शिंदे यांनी तर भाजपचे उमेदवार मारुती बनकर यांच्यासाठी मुख्यमंत्री देवेंद्र फडणवीस यांनी सभा घेऊन निवडून देण्याचे आवाहन केले आहे. सध्यातरी शिवेसनेचे पारडे जड असल्याचे दिसून येत आहे. तरीही येत्या 3 तारखेला होणाऱ्या मतमोजणीमध्ये कोण बाजी मारणार याकडे सर्वांचे लक्ष लागले आहे.