Maharashtra : काँग्रेसच्या माजी प्रवक्त्या हेमलता पाटील उद्या राष्ट्रवादी काँग्रेस अजित पवार गटात प्रवेश करणार आहे. विधानसभा निवडणुकीनंतर हेमलता पाटील काँग्रेस पक्षामधून बाहेर पडल्या होत्या. काही दिवसांपूर्वी त्यांनी शिवसेना शिंदे गटात प्रवेश केला होता. पण त्या शिंदेसेनेमधून देखील बाहेर पडल्या. आता हेमलता पाटील राष्ट्रवादीमध्ये जाणार आहेत.

२०२४ च्या विधानसभा निवडणुकीदरम्यान हेमलता पाटील यांनी काँग्रेसकडून (महाविकास आघाडी) उमेदवारी मिळावी अशी इच्छा व्यक्त केली होती. तेव्हा संधी न मिळाल्याने पाटील यांनी नाराजी व्यक्त केली होती. निवडणुक लढवल्याची संधी न मिळाल्यामुळे माध्यमांशी संवाद साधताना त्यांना रडू देखील कोसळले होते. या नाराजीमुळे हेमलता पाटील यांनी पदांचा राजीनामा देत शिंदेंच्या शिवसेनेची वाट धरली.

फेब्रुवारी २०२५ मध्ये काँग्रेसची साथ सोडल्यानंतर हेमलता पाटील यांनी उपमुख्यमंत्री एकनाथ शिंदे यांच्या शिवसेनेमध्ये प्रवेश केला. शिंदे गटात गेल्यानंतरही पाटील यांचे मन रमत नव्हते. एक-दोन महिन्यांमध्ये त्यांनी शिंदे गटातूनही बाहेर पडण्याचे ठरवले. पक्षातून बाहेर पडताना सध्या कोणत्याच पक्षासाठी काम करणार नसल्याचे त्यांनी सांगितले होते.

शिंदेसेनेमधून बाहेर पडल्यानंतर चार महिन्यांनी ऑगस्ट २०२५ मध्ये आता हेमलता पाटील यांनी उपमुख्यमंत्री अजित पवार यांच्या राष्ट्रवादी काँग्रेस पक्षात जाण्याचा निर्णय घेतला आहे. उद्या (१९ ऑगस्ट) मुंबईत पक्षाच्या वरिष्ठ नेत्यांच्या उपस्थितीमध्ये हेमलता पाटील यांचा राष्ट्रवादी काँग्रेसमध्ये पक्षप्रवेश करणार आहेत.