Maharashtra Politics : अजित पवार मला टॉर्चर करतात, शिंदेंचा गंभीर आरोप

मंगेश कचरे, साम टीव्ही, प्रतिनिधी

Maharashtra : रोहित पवार यांनी भावकीचा उल्लेख करत उपमुख्यमंत्री अजित पवार यांच्यावर टीका केली होती. यावर प्रतिक्रिया देताना अजित पवार यांनी भावकीचा विचार केला नसता, तर रोहित तू आमदार झाला नसतास असे वक्तव्य केले. यावरुन भाजपचे नेते आणि विधान परिषदेचे सभापती राम शिंदे यांनी अजित पवारांवर निशाणा साधला. अजित पवार ते वक्तव्य करुन सातत्याने मला टॉर्चर करण्याचा प्रयत्न करत आहेत, असे राम शिंदे यांनी म्हटले आहे. या बाबत भाजपच्या वरिष्ठ नेत्यांनी योग्य तो निर्णय घ्यावा, असेही शिंदे म्हणाले. अजित पवार हे वक्तव्य सातत्याने पुन्हा पुन्हा करुन शिळ्या कडीला उत का आणतायेत? असा सवाल राम शिंदे यांनी उपस्थित केला आहे.