Jaykumar Gore Controversy : धनंजय मुंडेंच्या राजीनामा, कृषीमंत्री माणिकराव कोकाटेंना कोर्टानं सुनावलेली शिक्षा यानंतर महायुतीचा आणखी एक मंत्री अडचणीत सापडलाय. अधिवेशन सुरु असतानाच विरोधकांनी सत्ताधाऱ्यांना कोंडीत पकडण्याचा प्रयत्न केलाय. भाजपचे मंत्री जयकुमार गोरेंकडून महिलेचा विनयभंग झाल्याचा आरोप विरोधकांनी केलाय. स्वारगेटसारखा प्रकार जयकुमार गोरेंबाबत पुढे येत असल्याचा हल्लाबोल ठाकरे गटानं केलाय. तर पश्चिम महाराष्ट्रातील एक पैलवान मंत्री महिलेच्या मागे लागलाय, असा खळबळजनक आरोप काँग्रेसने केलाय.

संतोष देशमुख हत्या प्रकरणात मुंडें विरोधात आक्रमक भूमिका घेणाऱ्या सामाजिक कार्यकर्त्या अंजली दमानिया यांनी गोरेंच्या प्रकरणावरुन फडणवीसांवर निशाणा साधलाय. अशी कॅरेक्टरलेस लोक फडणवीसांना मंत्रिमंडळात का हवीत ? असा सवाल त्यांनी केलाय. तर दुसरीकडे मंत्री गोरेंनी विरोधकांचा हल्लाबोल परतून लावलाय. कोर्टाने या प्रकरणात आपली निर्दोष मुक्तता केलीय, असं स्पष्टीकरण दिलंय.

बहुमताने महायुती सत्तेत आली. मात्र 100 दिवसांच्या आत मुंडेंच्या रुपानं सरकारची पहिली विकेट पडली आहे. राष्ट्रवादीचे दोन मंत्रि अडचणीत आलेले असताना आता मोठा भाऊ भाजपचे आणि फडणवीसांचे निकवर्तीय मंत्री जयकुमार गोरे अडचणीत आले आहेत. विनयभंगाचे हे प्रकरण कोणत्या वळणावर जाणार ते पाहणं महत्वाचं आहे.