Summary -

• अशोक खरात प्रकरणात नीलम गोऱ्हेंवर गंभीर आरोप

• तृप्ती देसाईंनी केला गंभीर आरोप

• भविष्य जाणून घेण्यासाठी नीलम गोऱ्हे खरातच्या भेटीला गेल्या होत्या

• नीलम गोऱ्हेंकडून आरोप फेटाळले

सुप्रीम मसकर, साम टिव्ही न्यूज

भोंदूबाबा अशोख खरात प्रकरणात आता थेट विधान परिषदेच्या उपसभापती नीलम गोऱ्हेंवर गंभीर आरोप करण्यात आलेत. नीलम गोऱ्हें आणि खरात यांच्यात खरचं आर्थिक संबंध होते का? गोऱ्हें आणि खरात यांच्यात भेट झालीय का? खरातला कोणते राजकीय नेत्याचं पाठबळ होतं? पाहूयात या स्पेशल रिपोर्टमधून...

वासनांध, भोंदू खरातच्या कारनाम्यामुळे संपूर्ण महाराष्ट्र हादरला. आधी राष्ट्रवादीच्या चाकणकराचं पद गेलं आणि आता या प्रकरणाची झळ थेट विधान परिषदेच्या उपसभापती नीलम गोऱ्हे यांच्यापर्यंत पोहोचलीय. सामाजिक कार्यकर्त्या तृप्ती देसाई यांनी पुण्यात पत्रकार परिषद घेऊन नीलम गोऱ्हेंवर गंभीर आरोप केलेत. खरातसोबत नीलम गोऱ्हेंचे आर्थिक संबंध असल्याचा आरोप करत गोऱ्हेंनी खरात प्रकरणावर मौन का धारण केलयं, असा थेट सवाल देसाईंनी विचारलाय.

नीलम गोऱ्हे 7 ते 8 वर्ष भोंदू खरातकडे जात होत्या. आमदारकी आणि मंत्रीपदासाठी भविष्य जाणून घेण्यासाठी गोऱ्हे नाशिकमधील एक्सप्रेस हॉटेलमध्ये खरातच्या भेटीला जात होत्या..ज्या ऑफिसमध्ये अनेक महिलांवर अत्याचार झाला, त्याच कॉलेज रोडवरील खरातच्या ऑफिसमध्ये नीलम गोऱ्हे अनेकदा गेल्यात गोऱ्हे आणि खरातमध्ये काही आर्थिक व्यवहार आहेत का? SITनं गोऱ्हेंचा CDR तपासावा, म्हणजे संभाषण उघड होईल.

दरम्यान तृप्ती देसाईंचे हे आरोप पत्रकार परिषद घेऊन नीलम गोऱ्हेंनी फेटाळून लावलेत. खरातच्या दरबारात राज्यातील तब्बल 39 आमदारांचा राबता होता, असा दावा याआधी केसरकरांनी केलाय.त्यात आर्थिक गैरव्यवहारात खरातला बड्या अधिकाऱ्यांनी मदत केल्याचाही आरोप आहे. अशातच चाकणकरांवरील कारवाईनंतर पुढचा नंबर कोणाचा? असा सवाल उपस्थित होतोय. एकीकडे गोऱ्हेंनी जरी आरोप फेटाळून लावले असले तरी तृप्ती देसाई गोऱ्हें आणि खरातच्या भेटीचे पुरावे माध्यमांसमोर आणणार का? आणि खरात आणि गोऱ्हेंचंही कनेक्शन समोर येणार का? याकडे राज्याचं लक्ष लागलंय. मात्र गोऱ्हे आणि खरात कनेक्शन समोर आल्यानंतर केसरकरांमुळे अडचणीत आलेल्या शिंदेसेनेची आणखीच कोंडी होणार हे मात्र निश्चित.