अक्षय बडवे, प्रतिनिधी

Pune News:

राष्ट्रवादी पक्षात दोन गट पडल्यानंतर आरोप- प्रत्यारोप वाढले आहेत. दोन दिवसांपूर्वी उपमुख्यमंत्री अजित पवार यांचा सरकारी नोकरदाराच्या पगारात तीन कंत्राटी कामगार येतात.. असे विधान केले होते. त्यांच्या या वक्तव्याचा व्हिडिओ व्हायरल झाल्यानंतर अनेकांनी टीका केली होती. या मुद्द्यावरुन आमदार रोहित पवार यांनीही अजित पवारांवर निशाणा साधला होता. या टीकेला अजित पवार यांनीही सडेतोड उत्तर दिले आहे.

काय म्हणाले अजित पवार?

शुक्रवार (१५, सप्टेंबर) उपमुख्यमंत्री अजित पवार (Ajit Pawar) पुणे दौऱ्यावर आहेत. यावेळी माध्यमांशी संवाद साधताना रोहित पवार (Rohit Pawar) यांच्या टीकेला उत्तर दिले. काही जण कारण नसताना मला ट्रोल करत आहेत, असे ते यावेळी म्हणाले.

तसेच "विरोधकांना उकळ्या फुटतात आणि सोशल मीडियावर बातम्या ते पोहचवतात. मात्र कंत्राटी भरतीचा तो जीआर मागच्या काळातील सरकारचा आहे. त्यावर कोणाच्या सह्या आहेत ते मी दाखवू शकतो. विरोधक फक्त विरोधासाठी विरोध करत आहेत... अशी प्रतिक्रिया त्यांनी यावेळी दिली..

"मी आढावा घेत असताना आरोग्य विभाग-शिक्षण विभाग, रुग्णालयांमध्ये मोठ्या प्रमाणात मनुष्यबळ कमी आहे. मनुष्यबळ भरण्याची प्रक्रिया सुरू आहे. यासाठी टाटा कंपनीसह तीन कंपन्या निवडल्या आहेत. काही ठिकाणी ताबडतोब माणसं लागतात. मागच्या सरकारमध्ये शिक्षकभरतीत काय झालं सर्वांना ठावूक असल्याचा टोलाही उपमुख्यमंत्री अजित पवारांनी लगावला. (Latest Marathi News)