बुलढाणा : विधानभवनाच्या पाय-यांवर आज आमदारांनी राडा घातला. त्यानंतर राज्यातील विविध पक्षातील नेत्यांसह जनता आमदारांच्या कृतीवर तीव्र नाराजी व्यक्त करु लागली आहे. स्वाभिमानी शेतकरी संघटनेचे नेते रविकांत तुपकर (ravikant tupkar) यांनी नळावरच्या भांडणासारखे भांडण आज विधानभवन परिसरात झालं. ही शाेकांतिका म्हणावी लागेल. महाराष्ट्रातील प्रश्नांकडं दुर्लक्ष करुन ही आमदार मंडळी भांडत असतील तर अशा राज्यकर्त्यांना जनता रस्त्यावर खेचून मारेल असे तुपकरांनी म्हटलं.

रवीकांत तुपकर म्हणाले विधानभवनात मारामा-या करणा-या लाेकप्रतिनिधींना थाेडी तरी लाज वाटली पाहिजे. सामान्य जनतेनं आपल्या कशासाठी निवडून दिलं आहे. सामान्य जनतेचे प्रश्न सभागृहात मांडावे यासाठी तुम्हांला पाठविले आहे आणि तुम्ही नऴावरच्या अड्ड्या सारखा तिथं भांडत आहेत. ज्यांच्याकडं आम्ही अपेक्षेने पाहयाचं ते लहानपाेरांसारखं भांडत आहेत. ही किती लाजिरवणी गाेष्ट म्हणावी लागेल.

राज्यातील शेतकरी संकटात सापडला आहे. राज्यात आेला दुष्काळ जाहीर करा अशी मागणी हाेत आहे. मंत्रालयासमारे (mantralay) शेतकरी (farmer) आत्मदहनाचा प्रयत्न करीत आहेत. परंतु त्याकडं दुर्लक्ष करुन हे लाेक आपसापात भांडत आहेत.

हा महाराष्ट्र यशवंतराव चव्हाण, वसंतदादा पाटील, छत्रपती शिवाजी महाराज यांचा महाराष्ट्र आहे. इथून पुढं तुमचा अतिरेक झाला तर सामान्य जनता तुमची काॅलर पकडून तुम्हांला रस्त्यावर खेचून मारेल, लक्षात ठेवा असंही तुपकरांनी नमूद केले.

Edited By : Siddharth Latkar