Summary -

• बारामतीमध्ये लँडिंगदरम्यान अजित पवार यांच्या विमानाला अपघात

• या घटनेत अजित पवार आणि सुरक्षारक्षक सुरक्षित आहेत

• अपघातात ३ ते ४ जण जखमी झाल्याची माहिती

• घटनेचा व्हिडिओ सोशल मीडियावर व्हायरल झाला

जिल्हा परिषद निवडणुकीच्या प्रचारावेळी मोठी दुर्घटना घडली. राज्याचे उपमुख्यमंत्री अजित पवार यांच्या विमानाला मोठा अपघात झाल्याची बातमी समोर आली आहे. बारामतीमध्ये ही घटना घडली. लँडिंगदरम्यान अजित पवार यांच्या विमानाला अपघात झाला. या अपघातामध्ये ३ ते ४ जण जखमी झाले आहेत. अजित पवार आणि त्यांचे सुरक्षारक्षक थोडक्यात बचावले आहेत. बारामतीमधील या विमान अपघाताचा व्हिडिओ समोर आला आहे.

मिळालेल्या माहितीनुसार, अजित पवार बारामतीच्या दौऱ्यावर आहेत. त्यांची बारामतीमध्ये आज सभा होणार होती. या सभेसाठी अजित पवार सकाळीच मुंबईवरून बारामतीला विमानाने गेले. बारामतीमध्ये विमान लँडिग करत असताना अपघात झाला. अजित पवारांचे विमान लँडिंगदरम्यान कोसळले आणि आग लागली. या विमानाचे तुकडे झाले. घटनास्थळावर पोलिसांनी आणि अग्निशमन दलाने धाव घेतली असून बचावकार्य युद्धपातळीवर सुरू आहे.

पुणे ग्रामीण पोलिस अधीक्षक यांनी दिलेल्या माहितीनुसार, बारामती विमानतळावर लँडिंग करत असताना अजित पवार यांच्या विमानाचा अपघात झाला. या अपघातात ३ ते ४ जण जखमी असल्याची माहिती मिळाली आहे. अपघातामध्ये जखमी झालेल्यांना बारामतीमधील रूग्णालयात उपचारासाठी दाखल करण्यात आले आहे.

या अपघातामुळे पवार कुटुंबीयांना मोठा धक्का बसला. अपघाताची माहिती कळताच खासदार सुप्रिया सुळे, सुनेत्रा पवार आणि पार्थ पवार हे बारामतीकडे रवाना झाले आहेत. दरम्यान, या विमान अपघातानंतर एकच खळबळ उडाली असून घटनास्थळावर नागरिकांनी मोठी गर्दी केली आहे.