हा काळीज पिळवटून टाकणारा आक्रोश आहे नांदणी गावातील नागरिकांचा. कोल्हापूरकरांच्या विरोधाला डावलून गुजरातमधील वनतारात नेलेल्या महादेवी हत्तीणीला परत आणण्यासाठी राज्यभरात अनेकांनी सोशल मीडियाच्या आणि रस्त्यावरच्या लढाईचा मार्ग स्विकारला.

त्यानंतर राज्य सरकारलाही नागरिकांच्या मागणीची दखल घ्यावी लागली. त्यामुळे आता महादेवी हत्तीणीला परत आणण्यासाठी राज्य सरकार मध्यस्थी करणार आहे. महादेवीला परत आणण्यासाठी मुख्यमंत्र्यांच्या अध्यक्षतेखाली एक उच्चस्तरीय बैठक घेण्यात आली.

दरम्यान महादेवी हत्तीणीला परत आण्यासाठी मुख्यमंत्री देवेंद्र फडणवीसांनी बैठकीत काय आदेश दिलेत पाहूयात.

'महादेवी'साठी सरकार सरसावलं

34 वर्षांपासून हत्तीण नांदणी मठात, हत्तीण परत आली पाहिजे अशी सर्वांची इच्छा

मठानं एक याचिका दाखल करावी, राज्य सरकारही एक याचिका दाखल करणार

राज्य सरकार पूर्ण ताकदीनं नांदणी मठासोबत

हत्तीणीची निगा राखण्यासाठी डॉक्टरांचं एक पथक तयार करणार

रेस्क्यू सेंटर, आहाराबाबतही सरकार याचिकेत कोर्टाला आश्वस्त करेल

दुसरीकडे महादेवी हत्तीण परत नांदणीत येईपर्यंत हा लढा थांबणार नाही, असा इशाराच राजू शेट्टींनी दिलाय. दरम्यान कोल्हापूरच्या महादेवी हत्तीणला परत आणण्यासाठी जनभावना तीव्र होतायेत. बीडमध्येही नागरिक आक्रमक झालेत. सेव्ह माधुरी, बायकॉट जिओ अशा आशयाची बॅनरबाजी ठिकठिकाणी करण्यात आलीय. त्यामुळे मुख्यमंत्र्यांच्या बैठकीनंतर स्थानिकांच्या संघर्षाला यश येऊन महादेवी पुन्हा थाटात कोल्हापुरात परतणार का ? याकडे सगळ्याचं लक्ष लागलंय.