राज्य सरकारच्या मंत्रिमंडळाच्या मंगळवारी झालेल्या बैठकीत राज्याच्या विकासासह सामाजिक आणि आरोग्यविषयक महत्वाचे निर्णय घेण्यात आले, राज्यातून 2029 पर्यंत अंमली पदार्थांचे मूळ नष्ट करण्यासाठी Whole Of Government Approach धोरण राबवण्याचा निर्णय घेण्यात आहे. तुकाराम मुंढे यांनी अन्न व औषध प्रशासन आयुक्त पदाचा पदभार स्वीकारल्यानंतर राज्यात भेसळमाफियांविरोधात तसेच शाळा, कॉलेज यांच्या कँटिनमध्ये धाड टाकत मोठी मोहीम उघडली आहे. या सगळ्याच मोठा इफेक्ट या मंत्रिमंडळाच्या निर्णयात दिसून आला.
'नशामुक्त भारत अभियानाच्या दिशेने महाराष्ट्राने पुढचे पाऊल टाकले आहे. सन 2029 पर्यंत राज्यातून अंमली पदार्थांचे समूळ उच्चाटन करण्यासाठी राज्य शासनाने सर्वसमावेशक शासकीय दृष्टिकोन अर्थात ‘Whole-of Government Approach’ धोरण जाहीर केले आहे. या धोरणाच्या माध्यमातून विविध शासकीय विभागांच्या समन्वयातून अंमली पदार्थांविरोधात व्यापक उपाययोजना राबवण्यात येणार आहेत.
शासकीय आणि निमशासकीय बैठका, विविध कार्यक्रम तसेच शासकीय उपहारगृहांमध्ये आरोग्यदायी अन्नपदार्थ उपलब्ध करून देण्याच्या धोरणाला मंत्रिमंडळाने मान्यता दिली. यापुढे अशा ठिकाणी संतुलित मेन्यू ठेवणे बंधकारक असणार आहे. सार्वजनिक आरोग्य विभागाकडून या धोरणाची अंमलबजावणी करण्यात येणार आहे.
सोलापूर शहरातील जुना पुणे नाका ते बोरामणी नाका दरम्यानच्या उन्नत मार्ग प्रकल्पाला निकडीचा सार्वजनिक प्रकल्प म्हणून घोषित करण्यात आले आहे. हा प्रकल्प राष्ट्रीय महामार्ग क्रमांक 65 वर प्रस्तावित आहे. या निर्णयामुळे प्रकल्प पूर्ण करण्यासाठी आवश्यक असलेली शासकीय जमीन भारतीय राष्ट्रीय राजमार्ग प्राधिकरणाकडे (NHAI) हस्तांतरित करण्याचा मार्ग मोकळा झाला आहे.
पुणे जिल्ह्यातील कुकडी पाटबंधारे प्रकल्पासाठी 5,704.50 कोटी रुपयांच्या सुधारित खर्चाला मंत्रिमंडळाने मंजुरी दिली आहे. या प्रकल्पातून तब्बल 1,44,912 हेक्टर सिंचन क्षमता निर्माण होणार आहे. त्यामुळे पुणे जिल्ह्यासह संबंधित भागातील सिंचन व्यवस्थेला मोठा फायदा होण्याची अपेक्षा आहे. मंत्रिमंडळाच्या या निर्णयांमुळे अंमली पदार्थविरोधी मोहिमेला बळ मिळण्यासोबतच सार्वजनिक आरोग्य, पायाभूत सुविधा आणि सिंचन क्षेत्रातही महत्त्वाची पावले पडणार आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.