गिरीष कांबळे, मुंबई

2024 Maharashtra Legislative Assembly election : महाराष्ट्रात विधानसभा निवडणुकीच्या तारखांची घोषणा लवकरच होणार आहेत. दसऱ्यानंतर निवडणुकीची घोषणा होण्याची शक्यता आहे. विधानसभा निवडणूक जाहीर होण्यापूर्वीच काही दिवसांपूर्वी वंचितने आपल्या उमेदवारांची पहिली यादी जाहीर केली होती. आज वंचित बहुजन आघाडीने दुसरी उमेदवारी जाहीर केली आहे. १० उमेदवारांची यादी वंचितकडून जाहीर करण्यात आली आहे.

वंचित बहुजन आघाडीचे आज विधानसभा निवडणुकीसाठी १० उमेदवाराची दुसरी यादी जाहीर केली. मलकापूर, बाळापूर, परभणी, संभाजीनगर मध्य, गंगापूर, कल्याण पश्चिम, हडपसर, माढ, शिरुळ आणि सांगली या विधानसभा मतदारसंघासाठी वंचितने उमेदवारांची नावं जाहीर केली आहे. सर्व उमेदवार मुस्लिम समाजाचे आहेत. काँग्रेसचे माजी विधानपरिषद आमदार खातिव सैय्यद नातिकुद्दिन यांनी काँग्रेस पक्षाच्या सदस्य पदाचा राजीनामा देऊन बाळासाहेब आंबेडकर यांच्या उपस्थितीत वंचित बहुजन आघाडीत प्रवेश केला. बाळापूर जिल्हा अकोला विधानसभा मतदारसंघातून त्यांना उमेदवारी जाहीर करण्यात आली आहे.

महाराष्ट्रामध्ये दसऱ्यानंतर कोणत्याही क्षणी निवडणुकीची घोषणा होऊ शकते. त्यामुळे सर्वच राजकीय पक्षाने जोरदार तयारी सुरु केली आहे. मविआ आणि महायुतीकडून उमेदवारांची चाचपणी केली जात आहे. पण वंचित आघाडीने एक पाऊल पुढे टाकत थेट उमेदवारांची घोषणा केली आहे. प्रकाश आंबेडकर यांच्या वंचितकडून विधानसभा निवडणुकीसाठी आतापर्यंत दुसरी यादी जाहीर केली आहे.