- रणजीत माजगावकर

Ratnagiri News :

मुख्यमंत्री एकनाथ शिंदे (cm eknath shinde ratnagiri daura) यांना भेटण्यासाठी आम्हांला मज्जाव केला जात आहे. आम्ही शेतकरी आहाेत की आंतकवादी असा प्रश्न पडला आहे. देवाचे काेठणे, साेलगाव आदी ठिकाणी आमची अडवणुक केली गेली. पाेलीसांची गाडी आमच्या मागे फिरत आहे. यामुळे हे सरकार नेमकं काेणाचे आहे हा प्रश्न आता आम्हांला पडला आहे अशा भावना बारसू रिफायनरी विराेधी संघर्ष समितीच्या कार्यकर्त्यांनी साम टीव्हीशी बाेलताना केला. मुख्यमंत्री शिंदे यांना रिफायनरी विराेधाबाबत निवेदन देण्यासाठी चाललेल्या कार्यकर्त्यांना पाेलीसांनी राेखल्याने कार्यकर्ते आक्रमक झालेत.

बारसू रिफायनरी प्रकल्पाला विरोध करण्यासाठी गेली अडीच वर्षे आंदोलन सुरू आहे. मुख्यमंत्री एकनाथ शिंदे हे आज कोकण दौऱ्यावर येणार आहेत. त्यांना निवेदन देण्यासाठी निघालेल्या बारसू रिफायनरी विराेधी संघर्ष समितीच्या कार्यकर्त्यांना राजापूर परिसरातील देवाचे गोठणे येथे पोलिसांनी अडविले.

यावेळी कार्यकर्त्यांनी पालकमंत्री उदय सामंत यांनी अधिवेशन काळात रिफायनरी संघर्ष समितीस मुख्यमंत्र्यांची 15 दिवसांत भेट करुन देऊ असा शब्द दिला हाेता. परंतु आजपर्यंत समितीची भेट झालेली नाही.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

आजही मुख्यमंत्र्यांना भेटायाला जात असताना प्रशासनाने आम्हांला राेखले आहे. ठीक आहे. आमची माणसं तेथे पाेहचली आहेत. काही झाले तरी माणसं मुख्यमंत्र्यांना भेटणार असेही कार्यकर्त्यांनी, शेतक-यांनी नमूद केले.

Edited By : Siddharth Latkar