भंडारा: मादा बिबटसह तिच्या दोन बछड्यांनी 36 कोंबडयासह कुत्रा फस्त केल्याची घटना घडली आहे. भंडारा जिल्ह्याच्या लाखांदुर खैरीपट येथील शेतशिवारातील गोठ्यात ही घटना घडली आहे. वेळीच पाशुपालकांनी गोठ्या जवळील घरात आसरा घेतल्याने मनुष्य जीवितहानी टळली आहे (Leopard and two cub hunted 36 chicken and dog at Bhandara).

खैरीपट येथील पशुपालक शुभम भागडकर आपल्या मित्र राकेश दोनाडकरसोबत स्मशानभूमी लगत असलेल्या आपल्या गोठयात दूध काढायला गेले होते. तेव्हा अचानक मादी बिबट (Leopard) आणि तिचे दोन बछडे गोठयात आले. तिला बघून या दोन मित्रांनी गोठ्या शेजारील एका घरात आश्रय घेतला. मात्र, गोठयातील 36 कोंबडयासह कुत्रा मादी बिबट आणि तिच्या दोन बछड्यांनी फस्त केल्या.

याची माहिती संबधित पशुपालकाने गावकऱ्यांनी दिली असता गावकऱ्यांनी फटाके फोडून मादी बिबट आणि तिच्या दोन बछड्यांना हुसकावून लावून त्या दोघांची सुटका केली. मात्र, यात पशुपालकांचे मोठ्या प्रमाणात नुक़सान झाले आहे.

लाखांदूर तालुक्यात मोठ्या प्रमाणात वन्य प्राण्यांच्या शिरकाव वाढला असल्याने होत असलेले नुकसान बघता वनविभागाने या वन्य प्राण्यांचा बंदोबस्त करण्याची मागणी जोर धरत आहे.

Edited By - Nupur Uppal