Laxman hake on Manoj Jarnge Saam TV
महाराष्ट्र

Laxman Hake : छत्रपती संभाजीराजे नाही, मिस्टर संभाजी भोसले औकातीत रहायचं, लक्ष्मण हाके आक्रमक

Laxman Hake : संभाजीराजे छत्रपती यांनी आज मनोज जरांगे यांची भेट घेतली. यावरून लक्ष्मण हाके संतापले असून त्यांनी आक्रमक भूमिका घेतलीय.

ब्युरो रिपोर्ट, साम टीव्ही, मुंबई

झंके, साम प्रतिनिधी

जरांगेंच्या आंदोलनावरुन शिवछत्रपतींच्या वंशजांवर जोरदार टिका होतेय. संभाजीराजें छत्रपतींना यापुढे केवळ संभाजी भोसले बोलणार असल्याचं ओबीसी आंदोलक लक्ष्मण हाकेंनी म्हटलंय. आणि यामुळे राज्याचं राजकारण चांगलंच पेटलं. पाहूयात काय झालं .

मराठा आरक्षणासाठी मनोज जरांगे आमरण उपोषणाला बसले. आज उपोषणाच्या सातव्या दिवशी संभाजीराजे छत्रपतींनी मनोज जरांगेंच्या आंदोलनस्थळी भेट देऊन त्यांची विचारपूस केली. यावेळी बोलतांना त्यांनी ओबीसी आंदोलकांना सल्ला दिला आणि इथेच संभाजी राजे छत्रपती आणि ओबीसी आंदोलक लक्ष्मण हाकेंमध्ये वादाला सुरुवात झाली.

जरांगे आंदोलना बसले म्हणून पलीकडे आंदोलन करणं हा सुसंस्कृतपणा नाही, हे महाराष्ट्राला शोभत नाही असं म्हणत नाव न घेता संभाजी राजे छत्रपतींनी ओबीसी आंदोलक लक्ष्मण हाकेंना सल्ला दिला. तसंच जरांगेंना काही झालं तर सरकार आणि विरोधक जबाबदार असल्याचं म्हणत संभाजीराजेंनी तिसऱ्या आघाडीच्या विरोधकांना धारेवर धरलं.

संभाजीराजेंच्या वक्तव्यानं संतप्त झालेल्या ओबीसी आंदोलक लक्ष्मण हाकेंनी जरांगेंसोबत थेट संभाजीराजे छत्रपतींवर जोरदार आगपाखड केली. यावेळी जरांगें आणि संभाजीराजेंनी औकातीत रहायचं असं म्हणत यापुढे छत्रपती संभाजीराजेंना मिस्टर संभाजी भोसले असं बोलणार असल्याचा निर्वाणीचा इशाराही दिला. तसंच संभाजीराजे हे शाहू महाराजांचे वैचारीक वारस नाहीत अशी टीका हाकेंनी केली. हाकेंनी केलेल्या टिकेनंतर अनेक प्रश्न उपस्थित झाले.

१. रयतेच्या राजाचे वंशजांनी कोणत्याही एका समाजाला पाठींबा देणं हे योग्य आहे का?

२. संभाजीराजेंनी फक्त मराठांचे राजे नसुन मराठे शाहीसह बारा बलुतेदारांचेही राजे असून त्यांनी ओबीसी आंदोलनावर टिका करण्याऐवजी आंदोलकांशी चर्चा का केली नाही?

३. संभाजीराजे छत्रपती जरांगेंच्या भेटीसाठी शिवछत्रपतींचे वशंज म्हणून गेले होते की राजकीय नेते?

४. जरांगेंना काही झालं तर सरकार आणि विरोधक जबाबदार आहेत असं म्हणत संभाजीराजेंनी तिसऱ्या आघाडीसाठी सोयीस्कर राजकारण केलं का?

जरांगेंच्या आंदोलनानं आणि लक्ष्मण हाकेंच्या विधानानं राज्याचं राजकारण तर तापलंच आहे परंतू आता रयतही राजाच्या भूमिकेवर सवाल उपस्थित करु लागली. हे ही तितकंच खरंय.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

नाचणाऱ्या कलेक्टरविरोधात वातावरण तापलं, शेतकरी-पोलीस आमने-सामने, VIDEO

Maharashtra Live News Update: - सोलापूर जिल्ह्यात माढा येथे सर्वाधिक पुरस्थिती

Asia Cup 2025 फायनलपूर्वी पाकिस्तानचा मोठा निर्णय, संपूर्ण स्पर्धेवर टाकला बहिष्कार

Maharashtra Politics: एकनाथ शिंदेंचा उद्धव ठाकरेंना मोठा धक्का, बड्या नेत्यांसह ८०० कार्यकर्त्यांचा शिवसेनेत प्रवेश

Pune Crime News : दिवसा खासगी बँकेत नोकरी, रात्री करायचा भयंकर खेळ; पुण्यातील तरुणासह ३९ जण अडकले

SCROLL FOR NEXT