लातूर : राज्यात दररोज अपघाताच्या घटना घडत असतात, आणि या अपघातांमध्ये अनेकांचा जीव देखील जातो. असाच एक भीषण अपघात लातूर-जहीराबाद महामार्गावरच्या हलगरा पाटीजवळ झाला आहे. क्रुझर आणि दुचाकीचा हा भीषण अपघात झाला आहे. हा अपघात एवढा भीषण होता की, अपघातात दुचाकीवरील दोन पुरुष आणि एका महिलेचा जागीच मृत्यू झाला आहे. दरम्यान, क्रूझर गाडीने दुचाकीला पाठीमागून धडक दिल्याची प्राथमिक माहिती समोर आली आहे. अपघात झाल्यानंतर बघ्यांची एकच गर्दी जमली होती. मृतदेहांना शवविच्छेदनासाठी रुग्णालयात पाठवण्यात आलं आहे. दरम्यान, मयतांची नावं अद्याप समजू शकलेली नाहीय.