लातूर : विवाहित असलेल्या एका विवाहित महिलेस मी तुझ्याशी लग्न करतो; असे अमिष दाखवित इंडियानगर (Latur News) येथील ४१ वर्षीय इसमाने वर्षभर तिच्यावर अत्याचार केल्याचा प्रकार समोर आला आहे. या संदर्भात पोलिसात (Police) तक्रार दाखल झाल्‍यानंतर सदर इसमास अटक केली आहे. (Maharashtra News)

लातूर शहरातील एका विवाहित महिलेला मी तुझ्याशी लग्न करतो; असे म्हणत मे २०२२ ते मार्च २०२३ या काळात गयास शेख याने तिच्यावर वारंवार लैंगिक अत्याचार केले. कालांतराने पिडीत महिलेने लग्नाचा तगादा लावल्यानंतर तुझ्या मुलांना ठार मारतो, अशी धमकी देत वारंवार लैंगिक अत्याचार केले. या संदर्भात पिडीत महिलेने दिलेल्या तक्रारीवरुन एमआयडीसी पोलिसांत गुन्हा दाखल करण्यात आला असुन आरोपीस अटक करण्यात आली आहे.

मुलांना जीवे मारण्याची धमकी

कालांतराने सदर विवाहितेने लग्नासाठी तगादा लावल्यानंतर तुझ्या मुलांना ठार मारीन अशी धमकी देत वारंवार अत्याचार केल्याप्रकरणी शहरातील इंडियानगर येथून एकास अटक करण्यात आली आहे.