लातूर : निलंगा तालुक्यातील अनसरवाडा येथील सरपंच पदमिनबाई सुग्रीव उसनाळे यांचे चिरंजीव बालाजी उसनाळे हे निलंगा येथील आडत व्यापारी असून ते सायंकाळी गावाकडे निघाले होते. अनसरवाडा पाटीजवळ त्यांच्या शेताच्या लगत निलंग्याकडून येत असलेल्या भरधाव कारचा ताबा सुटल्यामुळे बालाजी यांच्या मोटरसायकलवर जोरात येऊन आदळली आहे.

हे देखील पहा-

यात कारला अडकून दुचाकीसह ते जवळपास ५० ते ६० फुट फरफटत गेले आहेत. यामध्ये त्यांचा जागीच मृत्यू झाला आहे. कारमधील तिघेजण गंभीर जखमी झाल्याने त्यांना उपजिल्हा रूग्णालयात दाखल करण्यात आले होते. त्यात बालाजी ताकनाटे (रा. कलमुगळी) यांचा रूग्णालयात मृत्यू झाला आहे.

तर गहिनीनाथ व्यंकट गोबाडे आणि महादेव तात्याराव वाघमारे (रा. कलमुगळी) यांना पुढील उपचारासाठी लातूरला हलविण्यात आले आहे. त्यांच्या पश्चात आई, पत्नी, २ मुली, १ मुलगा असा परिवार आहे. या दुर्दैवी घटनेमुळे अनसरवाडा गावावर शोककळा पसरली आहे.

Edited By- Digambar Jadhav