दीपक क्षीरसागर

लातुर: जिल्ह्यातील औसा (Ausa) तालुक्यातील भादा पोलिसांनी 6 चोरीच्या दुचाकी जप्त केल्या असून चोरट्यांने कमी किंमतीत मोटारसायकल विकल्या आहेत या दुचाकी भादा पोलिसांनी जप्त केल्या असून चोरीच्या मोटारसायकल घेतलेल्या नागरिकांनी भादा पोलिसांना संपर्क करण्याचे आवाहन सहाय्यक पोलीस निरीक्षक विलास नवले यांनी केले आहे. (Latur Crime News)

औसा तालुक्यातील भादा पोलीस ठाण्याच्या हद्दीत गुप्त बातमीदाराने भादा पोलिसांना गुप्त माहिती दिली. औसा तालुक्यातील बेलकुंड येथील आरोपी पवनराजे गुलाब चव्हाण याने चोरी करून 3 लाख 60 हजार रुपये किमंतीच्या 6 मोटारसायकलची विक्री केली. तर, मोटरसायकल चोराने मी बेलकुंड येथील एका खाजगी हॉस्पिटलमध्ये डॉक्टरांकडे नोकरी करत असून, माझ्यावर विश्वास ठेवा मी मोटरसायकलचे कागदपत्र आठ दिवसात तुम्हाला देतो असे सांगून मोटार सायकलीची लोकांना विक्री केल्या आहेत. (Latur News Updates)

हे देखील पहा-

सदर आरोपी कडून मोटारसायकल चोरी करणारी मोठी टोळी निष्पन्न होऊन आणखी बऱ्याच चोरीच्या मोसा मिळण्याची शक्यता आहे. जनतेने कोणी बिना कागदपत्राच्या मोटरसायकल खरेदी केली असल्यास त्या चोरीच्या असण्याची शक्यता असल्याने तात्काळ पोलीस स्टेशन भादा येथे संपर्क करून जमा कराव्यात असे आवाहन सहाय्यक पोलीस निरीक्षक विलास नवले यांनी केले आहे. उपविभागीय पोलीस अधिकारी मधुकर पवार यांचे मार्गदर्शनाखाली , API विलास नवले, पोलीस हेड कॉन्स्टेबल सतीश सारोळे, चंद्रकांत सूर्यवंशी, शिवरुद्रा वाडकर, चंद्रकांत कलमे, महादेव चव्हाण यांनी केली आहे.