निवडणूक आयोगाने नव्याने मतदानाची टक्केवारी जाहीर केल्याने खळबळ उडाली आहे. दुसऱ्या टप्प्यात देशभरात 60.96 टक्के मतदान झाल्याचं आयोगानं आधी जाहीर केलं होतं. यानंतर 30 एप्रिलला निवडणूक आयोगानं नवीन आकडेवारी देत दुसऱ्या टप्प्यात 66.71 टक्के मतदान झाल्याची माहिती दिली. पाहुयात, यासंदर्भातला एक खास रिपोर्ट.
निवडणूक आयोगाने जाहीर केलेली मतदानाची टक्केवारी संशयाच्या भोवऱ्यात आल्याने खळबळ उडाली आहे. दुसरा टप्पा पार पडल्याच्या काही दिवसांनी निवडणूक आयोगानं मतदानाच्या टक्केवारीची अंतिम आकडेवारी जाहीर केली. आधी जाहीर केलेली आकडेवारी आयोगाने बदलल्याने मोठा गोंधळ निर्माण झालाय.
दुसऱ्या टप्प्यात देशभरात 60.96 टक्के मतदान झाल्याची आयोगाने आधी जाहीर केलं होतं. यानंतर 30 एप्रिलला निवडणूक आयोगानं नवीन आकडेवारी देत दुसऱ्या टप्प्यात 66.71 टक्के मतदान झाल्याची माहिती दिली. त्यामुळे आयोगानं दिलेल्या माहितीत 5.75 टक्के फरक दिसून येतोय. महाराष्ट्राच्या बाबतीत बोलायचं झाल्यास महाराष्ट्रात आधी 54.34 टक्के मतदान जाहीर करण्यात आलं त्यानंतर 62.71 टक्के मतदान झाल्याचं सांगण्यात आलं.
मतदानाची टक्केवारी अचानक इतकी कशी वाढली? आणि टक्केवारी जाहीर करण्यात इतका विलंब का झाला? असा सवाल आता उपस्थित केला जातोय. विरोधकांनी याच मुद्यावरून निवडणूक आयोगाला धारेवर धरलंय. 30 एप्रिलला मतदानाची टक्केवारी जाहीर केल्यानंतर तब्बल 10 दिवसांनंतर आयोगाने नव्याने आकडेवारी जाहीर
खरं तर मतदान किती टक्के होतं यावरही बरीच राजकीय गणितं अवलंबून असतात. कमी मतदान झाल्यास सत्ताधा-यांना फटका बसतो. त्यामुळे बदललेल्या आकडेवारीवरून स्वाभाविकच संशयाची सुई सत्ताधा-यांकडे वळलीय. सरकारनं यावर स्पष्टीकरण दिलं असलं तर विरोधकांच्या हाती टीकेची आयती संधी आलीय एव्हढं मात्र नक्की.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
