लाडकी बहीण योजनेतून लाखो महिलांचे अर्ज बाद केले आहेत. या महिलांना निकषांबाहेर जाऊन योजनेचा लाभ घेतला आहे. महिलांसोबतच अनेक पुरुषांनीही या योजनेचा लाभ घेतला आहे. जवळपास साडे चौदा हजार पुरुषांनी लाडकी बहीण योजनेचा लाभ घेतला आहे. सोलापूरातील ४३० पुरुषांनी योजनेचा लाभ घेतला असून त्यांच्यावर आता कारवाई केली जाणार आहे.

सोलापूरातील ४३० पुरुषांनी घेतला लाडकी बहीण योजनेचा लाभ (Solapur 430 Men Get Benefit of Ladki Bahin Yojana)

सोलापूरात लाडकी बहीण योजनेच्या लाभार्थ्यांची पडताळणी झाली. यामध्ये ४३० पुरुषांनी लाडकी बहीण योजनेचा लाभ घेतल्याची धक्कादायक माहिती समोर आली आहे. गेल्या ११ महिन्यांपासून हे पुरुष योजनेचा लाभ घेत होते. या योजनेतून त्यांनी जवळपास २३.१० कोटी रुपयांचा लाभ घेतला आहे.

आता ज्या पुरुषांनी लाडकी बहीण योजनेचा लाभ घेतला आहे त्यांच्याकडून वसूली केली जाणार आहे. या पुरुषांना २३.१० कोटी रुपये जमा करायचे आहे. दरम्यान, ही रक्कम जमा करण्यासाठी महिन्याभराची मूदत देण्यात येणार आहे, अशी माहिती वरिष्ठ अधिकाऱ्यांनी दिली आहे.

बोगस भावांवर कारवाई

लाडकी बहीण योजनेत फक्त महिलांना लाभ मिळतो. परंतु या योजनेत हजारो भावांनी योजनेचा लाभ घेतला आहे. आता या भावांवर कारवाई केली जाणार आहे. त्यांच्याकडून पैसे वसूल केले जाणार आहे.

२६ लाख महिला अपात्र

लाडकी बहीण योजनेत २६ लाख महिलांचे अर्ज बाद केले आहेत. याबाबत स्वतः आदिती तटकरेंनी माहिती दिली आहे. आता या २६ लाख महिलांना लाडकी बहीण योजनेचा लाभ मिळणार नाहीये. त्यांच्याकडून परत पैसे घेतले जाणार की नाही याबाबत मात्र कोणतीही माहिती समोर आलेली नाही.