मुख्यमंत्री माझी लाडकी बहीण योजना खूप लोकप्रिय झाली आहे. लाडकी बहीण योजनेच्या अर्जांची पडताळणी सुरु झाली आहे. लाडकी बहीण योजनेत आतापर्यंत ५ लाख महिलांचे अर्ज झाले आहेत. यामध्ये चारचाकी वाहन असणाऱ्या महिला, दुसऱ्या योजनांचा लाभ घेत असलेल्या महिलांचा समावेश आहे. या योजनेत महाराष्ट्रातील वेगवेगळ्या शहरामधील महिलांचे हजारो अर्ज बाद करण्यात आले आहे. (Ladki Bahin Yojana)

नागपूरमध्ये १२२८ महिलांकडे चारचाकी वाहन असल्याचे समोर आले आहे. नागपुरातील अपात्र महिलांचे अर्ज बाद करण्यात आले आहे. त्यामुळे आता या महिलांना पैसे मिळणार नाहीत.

नागपूरच्या १२२८ लाभार्थ्यांकडे चारचाकी वाहन आहे. यात कटोलमधील १२१ महिला आहे. नरखेडमधील ५ तर नागपूर ग्रामीणमधील १, सावनेरमधील १ महिला आहे. या महिलांचे अर्ज बद केले जाणार आहे.

नागपूर जिल्ह्यातील जवळपास ९.८४ लाख महिलांनी लाडकी बहीण योजनेसाठ अर्ज केले होते.त्यातील अनेक अपात्र महिलांचे अर्ज बाद झाले आहे. या योजनेमुळे सरकारी तिजोरीवर ताण आला आहे.

लाडकी बहीण योजनेत महिलांच्या अर्जांची तपासणी सुरु झाली आहे.या योजनेत महिलांच्या अर्जाची तपासणी पाच टप्प्यांमध्ये केली जाणार आहे. त्यामध्ये एका कुटुंबातील दोन व्यक्ती योजनेचा लाभ घेऊ शकत नाही. बनावट कागदपत्रांद्वारे योजनेचा लाभ घेणाऱ्या महिलांचीही पडताळणी केली जाणार आहे. कुटुंबातील किमान एका सदस्याला निवृत्तीवेतन असेल त्यांचीही तपासणी केली जाणार आहे. अडीच लाखांपेक्षा जास्त उत्पन्न असणाऱ्या महिलांचीही तपासणी केली जाणार आहे. तसेच पाच एकरपेक्षा जास्तजमीन नाही ना याचीही तपासणी केली जाणार आहे.