रणजीत माजगावकर

Kolhapur News: कोल्हापुरातील "मरीन ड्राइव्ह" अशी ओळख असेलेल्या रंकाळा तलावावर नेहमीच पर्यटकांची गर्दी उफाळून येते. शहरातील हे तलाव कायम तुडूंब पाण्याने भरलेलं असतं. या तलावाने कोल्हापूरच्या शोभेत आणखीन भर पडली आहे. अशात आता हाच तलाव आटत चालला आहे. तलावातील पाणीपातळी निम्म्याहून कमी झाली आहे.

रंकाळा आटला

राज्यात सर्वत्र उन्हाचा कहर झाला आहे. कडाक्याच्या उन्हामुळे नागरिकांच्या जीवाची लाहीलाही होत आहे. या कडक उन्हाचा परिणाम रंकाळा तलावावर देखील झाला आहे. नेहमीच पाण्याने तुडुंब भरलेला रंकाळा सध्या कोरडा पडत चालला आहे. तलावातील पाणी कमी झाल्याने नागरिक तलावाच्या मध्यभागी जाऊन सेल्फी काढण्याचा आनंद लुटतायत. कडक उन्हाळा आणि त्यानंतर दडी मारुन बसलेला पाऊस यामुळे पाणी आटू लागले आहे.

रंकाळा तलावाचा (Rankala Lake) उल्लेख नेहमीच मरीन ड्राइव्ह असा केला जातो. रंकाळा तलाव २०२ हेक्टर क्षेत्रात पसरला असून तलावाची खोली जवळपास ११ मीटर खोल आहे. गेल्या काही दिवसांपूर्वी तलावातील पाण्याचा वापर शेतीच्या कामांसाठी करण्यास सुरुवात करण्यात आली आहे. तळ्याकाठी शालिनी राजवाडा देखील आहे. त्यामुळे या तलावाची शोभा आणखीन वाढली आहे.

राज्यात काही ठिकाणी गेले दोन दिवस रिमझिम पावसाच्या सरी बरसल्या. त्यानंतर शेतकऱ्यांनी पेरणीच्या तयारीला सुरुवात केली आहे. मात्र दोन दिवस पाऊस बसरल्यानंतर आज सलग तीसऱ्या दिवशी पाऊस दायब आहे. पावसाने दडी मारल्याने पेरणीच्या कामांचा खोळंबा झाला आहे. त्यामुळे शेतकरी पावसाची आतुरतेने वाट पाहात आहेत.