Sambhajinagar Cyber Crime: सहाच महिन्यांत १८५३ जणांना कोट्यावधींचा गंडा; ४७ टक्‍क्‍यांनी वाढली सायबर गुन्‍हेगारी

नवनीत तापडिया

छत्रपती संभाजीनगर : दिवसेंदिवस सायबर गुन्ह्यांमध्ये मोठ्या प्रमाणात वाढ होत असल्‍याचे पाहायला मिळत आहे. यात छत्रपती संभाजीनगर (Sambhajinagar) जिल्ह्यात यावर्षी सहा महिन्यात तब्बल १८५३ जणांना कोट्यावधी (Cyber Crime) रुपयांनी गंडवल्याच्या समोर आले आहे. (Maharashtra News)

दिवसेंदिवस सायबर गुन्हेगारीमध्ये मोठ्या प्रमाणात वाढ होत आहे. परंतु सायबर पोलिसांकडे असलेले अपुरे मनुष्यबळ तांत्रिक अडचणी आणि या गुन्हेगारांचे देशभरात पसरलेल्या अफाट नेटवर्कमुळे सायबर क्राईमचा वाढता आलेख हा पोलिसांसमोर (Cyber Police) नवीन आव्हान ठरत चाललेला आहे. तसेच दिवसागणिक सायबर क्राईममध्ये फसवणुकीचा ट्रेंड बदलत चालला आहे. मागील वर्षी इन्स्टंट बँक लोन ॲपद्वारे फसवणुकीचे प्रमाण वाढले होते. तर यावर्षी पार्ट टाइम जॉब, वर्क फ्रॉम होमचे आम्हीच दाखवून ऑनलाईन फसवण्याचे प्रमाण अधिक आहे सोबतच सोशल मीडियावर मैत्री करून भामटे लाखो रुपये उकळतात.

४७ टक्‍क्‍यांनी वाढली सायबर गुन्‍हेबारी

गतवर्षीच्या तुलनेत संभाजीनगर जिल्‍ह्यात यंदा सहा महिन्यातच सायबर गुन्हेगारांच्या जाळ्यात अडकलेल्यांचे प्रमाण तब्बल ४७ टक्क्यांनी वाढला आहे. गेल्या वर्षभरात १८५३ नागरिक सायबर गुन्हेगाराच्या जाळ्यात अडकले होते. तर यावर्षी जून महिन्यापर्यंतच हा आकडा १८५३ पर्यंत पोहोचला आहे. धक्कादायक बाब म्हणजे यात दिवसाला सहा तक्रारदारांना मागे एक महिला असल्याचे वास्तव आहे. ऑनलाइन आर्थिक फसवणूक झालेल्यांमध्ये महिला, सेवानिवृत्त, वकील, डॉक्टर आणि व्यावसायिक यांचा समावेश आहे.

३ कोटी रूपये गमावले

जानेवारी ते जून २०२३ या दरम्यान तब्बल ११३६ तक्रारी प्राप्त झाले आहेत. यामध्ये सुमारे तीन कोटी रुपये तक्रारदारांनी गमावले. त्यापैकी सायबर पोलिसांनी तपास करून ३३ लाख ३२ हजार रुपये परत मिळवून दिले आहेत. ग्रामीण भागात मात्र शहरा भागापेक्षा ऑनलाईन फसवणाऱ्याचे प्रमाण तुलनेने कमी पाहायला मिळते. एकंदरीतच सायबर पोलीस याविषयी वेळोवेळी जनजागृती करत असताना देखील सायबर गुन्हेगारीमध्ये मोठ्या प्रमाणात वाढ होताना दिसून येते. यामुळे सायबर पोलिसांसमोर एक नवीन आव्हान उभा राहिलाय नागरिकांनी देखील सोशल मीडियावर कोणत्याही आमिषाला बळी न पडता आपली फसवणूक टाळावी असे आवाहन सायबर पोलीस करत आहेत.