काेल्हापूर : महाराष्ट्र - कर्नाटक सीमेवरील कागल तपासणी नाक्यावर परराज्यातून अथवा परजिल्ह्यातून येणा-या नागरिकांचे काेविड १९ च्या आरटी-पीसीआर अहवालाचे अथवा लसीकरण झाल्याची तपासणी करण्यासाठी काेणतीच यंत्रणा नसल्याचे चित्र आज (बुधवार) आहे. यामुळे काेल्हापूरच्या जिल्हाधिकारी राहूल रेखावार यांच्या आदेशाला वाटाण्याच्या अक्षता दाखविलेचे दिसते.

कोल्हापूर जिल्ह्यात प्रवेश करणाऱ्या राज्यांच्या सीमांवर तपासणी नाके उभे करण्याच्या सूचना जिल्हाधिकारी राहुल रेखावार यांनी नुकत्याच दिल्या होत्या. जिल्हाधिकाऱ्यांच्या आदेशाच्या २४ तासानंतर हे महाराष्ट्र-कर्नाटक सीमेवरील कागल चेक पोस्टवर कोणतीच यंत्रणा कार्यरत नसल्याचं धक्कादायक चित्र आहे

त्यामुळे आजही अनेक वाहन विना तपासणी जिल्ह्यात येत आहेत. एका बाजूला कर्नाटक सरकाराने कोगनोळी टोल नाका परिसरात तपासणी नाके उभारून rt-pcr चा तपासणी अहवाल किंवा लसीकरण झालेल्या नसलेल्या प्रवाशांना पुन्हा पाठवत आहेत. दरम्यान कोल्हापूर जिल्हा प्रशासनाची यंत्रणा उदासीन का असा प्रश्न उपस्थित झाला आहे.

edited by : siddharth latkar