अमरावती : मुख्यमंत्री उद्धव ठाकरे हे सत्तेसाठी लाचार झाले असून मुस्लिमांचे लांगुलचालन करण्यात मग्न आहेत अशी टीका भाजप नेते किरीट साेमय्या (kirit somaiya) यांनी येथे केली. साेमय्या हे आज (मंगळवार) अमरावती दाै-यावर आले आहेत. येथे घडलेल्या हिंसाचारानंतर साेमय्या नुकासग्रस्त भागाची पाहणी करीत आहेत. या हिंसाचार बाबत बाेलताना साेमय्या म्हणाले राज्य सरकारला त्यावर नियंत्रण ठेवता आले नाही.

(स्व.) बाळासाहेब ठाकरे आणि मुख्यमंत्री उद्धव ठाकरे यांच्यात फरक आहे. बाळासाहेब ठाकरे यांनी यास हिंसाचार म्हटलं नसते. बाळासाहेब नेहमीच मुस्लिमांविरुद्ध (चुकीचे करणा-यांना) रोखठोक भूमिका घेत असे. मुख्यमंत्री उद्धव ठाकरे हे सत्तेसाठी लाचार झाले असून मुस्लिमांचे लांगुलचालन करण्यात मग्न आहेत. इतक्या माेठ्या प्रमाणात माेर्चे निघाले कसे. राज्य सरकारने त्याला समर्थन दिलेच कसे असा प्रश्न साेमय्या यांनी उपस्थित केला.

साेमय्या म्हणाले हे माफियांचे सरकार आहे. काेल्हापूरला सरकारमधील मंत्री त्याच्या जावायास काेट्यावधींची निविदा मंजूर करुन देताे. तेथे जायचे म्हटलं तर मला राेखले जाते. येथे माेर्चे काढले जातात. येथे मी येणार म्हटलं की लगेच प्रतिबंध घातला जाताे. हिंदूची दुकाने फाेडली जातात. अखेर ठाकरे सरकारला याची किंमत माेजावी लागणार असे साेमय्या यांनी नमूद केले.

edited by : siddharth latkar