- जितेश कोळी

Ratnagiri News : खेड पंचायत समितीत माजी मुख्यमंत्री उद्धव ठाकरे आणि मुख्यमंत्री एकनाथ शिंदे (cm eknath shinde) गटात एका बैठकीत झालेल्या राड्यानंतर माजी आमदार संजय कदम (former mla sanjay kadam)यांच्यासह उद्धव ठाकरे गटाच्या २० ते २५ जणांविरोधात खेडच्या पोलिस ठाण्यात गुन्हा नाेंदविण्यात आला आहे. याबाबतची तक्रार शिंदे गटाचे तालुकाप्रमुख सचिन धाडवे यांनी पाेलिसांत (khed police) दिली हाेती. (Maharashtra News)

शिंदे गटाचे तालुकप्रमुख सचिन धाडवे यांनी दिलेल्या तक्रारीनुसार माजी आमदार संजय कदम व त्यांच्या सहकाऱ्यांनी आपल्याला लाठ्या - काठ्यांनी मारहाण करण्यासाठी आपला पाठलाग केला असल्याचे नमूद केले आहे. तसेच संजय कदम यांच्यापासून आपल्या जीविताला धोका असल्याचेही धाडवे यांनी आपल्या तक्रारीत नमूद केले आहे.

या प्रकरणी खेड पोलीस स्थानकात (कलम १४३, १४४, १४७ अंतर्गत) माजी आमदार संजय कदम यांच्या 25 जणांवर गुन्हा दाखल करण्यात आला आहे. आगामी स्थानिक स्वराज्य संस्थांच्या निवडणुकांच्या पार्श्वाभूमीवर शिंदे विरुद्ध ठाकरे गटामध्ये आता एकमेकांना शह देण्यासाठी राजकीय खेळी करण्याची सुरुवात झाल्याचे पाहायला मिळत आहे.

Edited By : Siddharth Latkar