- नवनीत तापडिया
Chhatrapati Sambhaji Nagar : मांगिरबाबाच्या जत्रेला जात असताना गाडीतील चार व्यक्ती उद्या व परवा विमानतळावर (chhatrapati sambhaji nagar airport) बॉम्बस्फोट करणार असल्याची चर्चा करत होते अशी माहिती देणारा फोन छत्रपती संभाजीनगरच्या पोलिसांच्या (chhatrapati sambhaji nagar police) नियंत्रण कक्षाला आला. या फोनमुळे सर्व यंत्रणा सतर्क झाली. (Maharashtra News)
यानंतर एमआयडीसी सिडको पोलिसांसह (midc cidco police) बीडीडीएसच्या पथकाने विमानतळावर धाव घेतली. त्याठिकाणी तपासणी केल्यानंतर काहीच नसल्याचे निष्पन्न झाले.
यानंतर फोन लावणाऱ्या व्यक्तीचा शोध घेतला असता, त्याने बायको सोबत भांडण झाल्यामुळे असा फोन केल्यास पोलीस अटक करतील म्हणून चुकीची माहिती देणारा फोन केल्याचे सांगितले. कारभारी कडुबा रिठे असे खोटी माहिती देणाऱ्या रिक्षाचालकाचे नाव आहे. या प्रकरणी पोलिसांनी त्याला ताब्यात घेतले आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
