Buldhana News :

पंजाब नॅशनल बँकेच्या (punjab national bank) व्यवस्थापकावर चाकूने हल्ला केल्याने बुलढाणा जिल्ह्यातील एका शेतक-यावर पाेलिसांनी गुन्हा दाखल केला. पाेलिसांनी घटनेच्या चाैकशी आणि तपासाअंती संबंधित शेतकरी यास रात्री उशिरा अटक केली. (Maharashtra News)

याबाबत मिळालेली माहिती अशी - शेतकरी बचत गटाचे पैसे काढण्यासाठी आलेल्या शेतकऱ्याचा खामगाव येथील पंजाब नॅशनल बँकेच्या व्यवस्थापकासोबत शाब्दिक वाद झाला. यातून शेतकऱ्याने सोबत आणलेल्या चाकूने बँक व्यवस्थापकावर् कार्यालयातच हल्ला केला.

या धक्कादायक प्रकारामुळे बँकेत धावपळ उडाली. बँक व्यवस्थापकास वाचवण्यासाठी पुढे आलेल्या सहाय्यकाला सुद्धा शेतकऱ्याने जखमी केले. या घटनेनंतर तात्काळ बँक कर्मचाऱ्यांनी बँक व्यवस्थापकास खामगाव येथील शासकीय रुग्णालयात दाखल केले. त्यांच्यावर उपचार सुरु आहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

दरम्यान पाेलिसांनी शेतकरी किरण गायकवाड याच्यावर गुन्हा दाखल केला आहे. पाेलिसांनी गायकवाड याचा शाेध घेत त्यास रात्री उशिरा अटक केली.

Edited By : Siddharth Latkar