- विनायक वंजारे

कणकवली : कणकवली (kankavali) पोलिसांनी (police) निमेवाडी उचवळे येथे नदीकिनारी एका ठिकाणी जुगार (gambling) खेळत असताना २० जणांना पकडले. पाेलिसांनी टाकलेल्या धाडीत ‘महाराष्ट्र शासन’ असे लिहिलेल्या एका चार चाकीसह १२ दुचाकी, एक रिक्षा तसेच एक चार चाकी तसेच एक लाख २४ हजारांची रोख रक्कम असे सुमारे २३ लाख ६० हजार रुपयांचा मुद्देमाल जप्त करण्यात आल्याची माहिती पोलीस निरीक्षक सचिन हुंदळेकर यांनी दिली (kankavali latest marathi news)

पोलिसांनी दिलेल्या माहितीनुसार त्यांनी केलेल्या कारवाईत २० संशयितांवर जुगार प्रतिबंधक कायद्यांतर्गत गुन्हा दाखल करण्यात आला आहे. यापैकी काहींना राजकीय वरदहस्त असलेली मंडळी असल्याची चर्चा कणकवलीत आहे.

ही कारवाई कणकवली पोलीस निरीक्षक सचिन हुंदळेकर, सहाय्यक पोलीस उपनिरीक्षक बापू खरात, पोलीस उपनिरीक्षक अनिल हडळ, कैलास इपाळ, बाळू गुरव, रुपेश गुरव, चंद्रकात माने, किरण मेथे, चंद्रकात झोरे, पांडुरंग पांढरे, दाजी सावंत, किरण कदम व पथकाने केली.

Edited By : Siddharth Latkar