अभिजित देशमुख

कल्याण : कल्याण पूर्वेतील चिंचपाडा रोड परिसरातील धक्कादायक प्रकार समोर आला आहे. शाळेत जात असलेल्या मुलाच्या (Kalyan) अंगावर बांधकाम सुरु असलेल्या इमारतीवरून दगड पडला. यात मुलगा किरकोळ जखमी झाला असून सुदैवाने या घटनेतून तो बचावला आहे. (Latest Marathi News)

कल्याण पूर्वेतील चिंचपाडा रोड परिसरातील एका इमारतीचे काम सुरु आहे. या इमारतीजवळून आई आपल्या सहा वर्षीय मुलाला शाळेत सोडण्यासाठी जात होती. यावेळी साई हाईट्स या नव्याने बांधण्यात येत असलेल्या इमारतीचा एक दगड सहा वर्षीय राज अमन सिंग यांच्या डोक्यावर पडल्याने तो गंभीररित्या जखमी झाला आहे. राज अमन सिंह याच्यावर खाजगी रुग्णालयात उपचार सुरु आहेत. 

बांधकाम व्यावसायिकांवर गुन्हा 

या प्रकरणी कोळसेवाडी पोलिसांनी साई हाईट्सच्या व्यावसायिकाविरोधात गुन्हा दाखल केला आहे. इमारतीच्या कामा दरम्यान सुरक्षिततेची उपाययोजना न केल्याने ही घटना घडल्याचे सांगितले जात आहे. महापालिका यावर काय कारवाई करणार हे पाहणे महत्वाचे ठरणार आहे.