रामू ढाकणे 

जालना : शेतात वास्तव्यास असलेल्या शेतकरी कुटुंबाच्या घरी सकाळी स्वयंपाक सुरु असताना गॅसचा भडका उडाला. या आगीत घर संपूर्णपणे जाळून खाक झाले असून घरातील अन्न धान्यासह संसारोपयोगी साहित्य जळून खाक झाले आहे. यामुळे शेतकरी कुटुंबाचा संसार उघड्यावर आला आहे. 

जालना (Jalna) जिल्ह्यातल्या भोकरदन तालुक्यातील पळसखेडा ठोंबरे येथे शेतात वास्तव्य असलेल्या एका घरात सकाळी स्वयंपाक सुरू असताना अचानक गॅसचा भडका उडाला. गॅसचा भडका उडताच घरातील महिलांनी घाबरून बाहेर येत आरडा ओरड केली. यामुळे आसपासचे नागरिक मदतीला धावले. मात्र, तोपर्यंत गॅसचा स्फोट होऊन संपूर्ण घराला (Fire) आगीने वेढले होते. मात्र नागरिकांनी अथक प्रयत्न करून आग आटोक्यात आणली.  

साडेचार लाखाचे नुकसान 

आगीमध्ये घरातील मोटार सायकल, चाळीस हजार रुपये रोख रक्कम, ज्वारी, बाजरी, शेतातील तुषार संच यासह संसार उपयोगी साहित्य जळून खाक झाले. या शेतकऱ्याचे (Farmer) सुमारें साडे चार लाख रुपयांचे नुकसान झाले आहे. सुदैवाने कोणतीही जीवित हानी झाली नाही.दरम्यान या घटनेचा पंचनामा करण्यात आला असून लवकरात लवकर आर्थिक मदत मिळावी अशी मागणी कुटुंबातील व्यक्ती करत आहे.