अक्षय शिंदे| जालना. ता. २४ ऑगस्ट २०२४

जालन्यामधून एक मोठी बातमी समोर आली आहे. जालना औद्योगिक वसाहतीमधील गजकेसरी स्टील कंपनीमध्ये भीषण स्फोट झाला असून या दुर्घटनेत २० जण जखमी झाले आहेत. यामधील तीन जणांची प्रकृती गंभीर आहे. स्टील कंपनीत लोखंड वितळणाऱ्या भट्टीमध्ये विस्फोट झाल्याने वितळलेले लोखंड अंगावर पडून २० जण जखमी झाले आहेत. दुर्घटनेतील जखमींवर सध्या रुग्णालयात उपचार सुरू आहेत.

स्टील कंपनीत भीषण स्फोट!

याबाबत सविस्तर माहिती अशी की, जालना औद्योगिक वसाहतीमधील गजकेसरी स्टील कंपनीमध्ये भीषण स्फोट झाल्याची घटना समोर आली आहे. स्टील कंपनीत लोखंड वितळणाऱ्या भट्टीमध्ये विस्फोट झाल्याने वितळलेले लोखंड कामगारांच्या अंगावर पडले. या दुर्घटनेत २० जण जखमी झाले आहेत. दुर्घटनेतील जखमींवर सध्या रुग्णालयात उपचार सुरू आहेत.

पोलीस अधिक्षकांनी दिली माहिती!

घटनेची माहिती मिळताच पोलिसांसह, बचाव पथकाने धाव घेत जखमींना रुग्णालयात दाखल केले. दुर्घटनेत २० कामगार जखमी झाले असून यांपैकी ३ ते ४ जण गंभीर जखमी झाले आहेत. घटनास्थळासह, रुग्णालयात पोलीस दाखल झाले असून जबाब नोंद करण्याचे काम सुरू असल्याची माहिती जालन्याचे पोलीस अधिक्षक अजय कुमार बंसल यांनी दिली आहे.