सांगलीत चारित्र्याच्या संशयावरून नवऱ्याने बायकोची हत्या केली असल्याची बातमी ताजी असतानाच जळगावातही असाच काहीसा प्रकार घडला आहे. चारित्र्याच्या संशयातून नवऱ्याने बायकोच्या डोक्यात कुऱ्हाडीने वार करत तिची हत्या केली आहे. या हल्ल्यात महिलेचा जागीच मृत्यू झाला आहे. तर, त्यांचा दहा वर्षांचा मुलगा सिद्धू थोडक्यात बचावला आहे. या प्रकरणानंतर जळगाव हादरलं आहे.

जळगावच्या धरणगाव तालुक्यातील हनुमंतखेडे या गावात एक धक्कादायक घटना घडली आहे. चारित्र्याच्या संशयातून पतीने पत्नीची निर्घृण हत्या केली आहे. शितल उर्फ आरती सोनवणे असे मृत महिलेचे नाव आहे. तर, सोमनाथ सोनवणे असे पती आरोपीचे नाव आहे. नवऱ्याचा बायकोवर संशय होता. तिचे अनैतिक संबंध सुरू आहेत. असा संशय नवऱ्याला होता.

या कारणावरून दोघांमध्ये भांडण होत. रागाच्या भरात त्याने रात्रीच्या वेळी तिची हत्या करायची असं ठरवलं. मध्यरात्र झाल्यानंतर सोमनाथने आरतीच्या डोक्यात कुऱ्हाडीने वार केले. या मारहाणीत आरती रक्तबंबाळ झाली. या हल्ल्यात दहा वर्षांचा मुलगा सिद्धू थोडक्यात बचावला. मात्र त्याच्या हाताला गंभीर दुखापत झाली.

या घटनेनंतर जखमी ग्रस्त महिलेला तातडीने खासगी रूग्णालयात दाखल करण्यात आले. मात्र, उपचारादरम्यान तिचा मृत्यू झाला. या घटनेनंतर मृत महिलेच्या भावाने पोलीस ठाण्यात आरोपीविरोधात तक्रार दाखल केली. भावाने दाखल केलेल्या तक्रारीनुसार, पोलिसांनी आरोपी सोमनाथला ताब्यात घेत गुन्हा दाखल करण्यात आला आहे. या घटनेमुळे धरणगाव तालुक्यात खळबळ उडाली आहे.