पारोळा (जळगाव) : घरगुती गॅस सिलेंडरमधून गॅस अवैधपणे गाड्यांमध्ये भरला जात असतो. अशाच प्रकारे कारमध्ये घरगुती (Gas) गॅस भरत असताना पोलिसांनी कारवाई केली. या कारवाईत पारोळा (Parola) पोलिसांनी गॅस भरण्यासाठीचे कीट व सहा सिलिंडर जप्त केले आहेत. (Tajya Batmya)

पारोळा शहरातील ओम नगर परिसरातील एका हॉटेलसमोर पत्र्याच्या शेडच्या आड शिवाजी रमेश मराठे (रा. पारोळा) हे एका कारमध्ये अवैधरित्या गॅस भरण्याच्या तयारीत होता. त्याठिकाणी सहा सिलिंडरपैकी (Gas Cylinder) चार रिकामे व दोन सीलबंद होते. पारोळा पोलिसांनी (Parola Police) घटनास्थळी जात कारसह सिलिंडर व सर्व साहित्य असा एकूण ९६ हजार रुपयांचा मुद्देमाल जप्त केला. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

भर वस्तीत वाहनांमध्ये गॅस भरण्याचे काम सुरू असते. यामुळे जीवितहानीचा मोठा धोका असतो. गेल्या दीड ते दोन महिन्यात अवैध गॅस सिलिंडरचा स्पोट व गॅस भरताना कार जळाल्याच्या दोन घटना घडल्या आहेत. या पार्श्‍वभूमीवर हा तिसरा गुन्हा पोलिसांकडून दाखल करण्यात आला आहे. याप्रकरणी पारोळा पोलिसात पुरवठा निरीक्षक विश्‍वजित गिरासे यांनी दिलेल्या फिर्यादीवरून शिवाजी मराठे याच्याविरोधात गुन्हा दाखल करण्यात आला आहे.