पाचोरा (जळगाव) : जळगाव जिल्ह्यातील भूमि अभिलेख विभागात जागा निघाल्या असून, तेथे नोकरी लावून देण्याचे आमिष (Jalgaon) दाखविले. सामान्य कुटुंबातील व्यक्ती असल्याने नोकरीच्या आमिषाला बाली पडला आणि पाच लाख ४० हजार रुपयात (Fraud) फसवणूक झाली. या प्रकरणी अमळनेर येथील अमीन पिंजारी याच्याविरोधात गुन्हा दाखल करण्यात आला आहे. (Maharashtra News)

ट्रकचालक इकबाल पिंजारी यांनी फसवणुकीबाबत तक्रार दिली. अमळनेर येथील तांबापुरा भागात राहणारा पत्नीचा मावस भाऊ अमीन पिंजारी याने घरी येऊन मुलास जिल्हा भूमिलेख विभागात नोकरी लावून देतो; असे आमीष दाखविले. यासाठी मार्च ते जून २०२१ या कालावधीत वेळोवेळी पैशांची मागणी करून पाच लाख ४० हजार रुपये बँक खात्यात जमा करण्यास भाग पाडले. वेळोवेळी पैसे जमा केले. परंतु अडीच वर्षे झाले तरी नोकरी मिळाली नाही.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पोलिसात घेतली धाव 

नोकरी मिळत नसल्याने पैसे परत देण्याबाबत अमीनकडे मागणी केली. पैशांची मागणी केल्यानंतर उडवाउडवीची उत्तरे मिळाल्याने फसवणूक झाल्याचे लक्षात आल्याने पोलिसात तक्रार दिली. त्या आधारे पोलिसांनी अमीन पिंजारीविरोधात फसवणूकप्रकरणी गुन्हा दाखल केला आहे. उपनिरीक्षक योगेश गणगे तपास करीत आहेत.