जळगाव : अमळनेर तालुक्यातील जवखेडा येथे सकाळी सात वाजेच्या सुमारास अचानक एका घराला आग लागली. यात सोने व रोख रक्कम तसेच घरातील कापूस (Cotton) व संसारोपयोगी साहित्य जळून खाक झाले. यात सुमारे १५ लाख रुपयांचे नुकसान झाले आहे. (jalgaon news javkheda village house fire on morning)

युनियन बँकेचे (Bank) मॅनेजर मयूर चंद्रभान पाटील हे घरात झोपलेले असताना त्यांच्या घराला अचानक आग (Fire) लागल्याचे समजले. त्यांच्या घरातील लोक गावात दत्त मंदिराची महापूजा सुरू असल्याने ते दिवा लावून मंदिरात गेले होते. कदाचित दिवा पेटून आग लागली असावी असा अंदाज व्यक्त करण्यात येत आहे.

कापसामुळे आग झपाट्याने पसरली

घरात कापूस असल्याने कापूस पेटून मोठ्या प्रमाणात धूर पसरला होता. यावेळी अमळनेर (Amalner) पालिकेचे दोन अग्निशमन बम्ब पाठवल्यानंतर आग आटोक्यात आली. मात्र तोपर्यंत संपूर्ण घर जळून खाक झाले होते. या आगीत सुमारे १५ लाखाचे नुकसान झाले आहे. सुदैवाने गॅस सिलिंडर सुरक्षित राहिले अन्यथा त्यांचा स्फोट होऊन अधिक नुकसान झाले असते.