जळगाव : नारायण राणे यांनी मुख्यमंत्री उध्दव ठाकरे यांच्याबाबत आक्षेपार्ह वक्तव्य केल्याप्रकरणी आज जळगाव शहरातील वसंत स्मृती भाजप कार्यालयात शिवसैनिकांनी कोंबड्या सोडल्या. (jalgaon-news-Chickens-released-by-Shiv-Sainiks-at-BJP-office-in-Jalgaon)
राज्यांमधील शिवसैनिक आक्रमक होऊन नारायण राणे यांच्या विरोधामध्ये राज्यामध्ये अनेक ठिकाणी गुन्हा दाखल करण्यात आले असून जळगावात देखील याची गुन्हा दाखल करण्याची प्रक्रीया सुरू आहे. शिवसेना जळगाव महानगरच्यावतीने शहरातील टावर चौकात आंदोलन करण्यात आले. येथे शिवसैनिकांनी डुक्कर आणत त्यास नारायण राणे यांच्यासह त्यांच्या मुलांच्या प्रतिमा बांधून निषेध करण्यात आला. यानंतर शिवसैनिकांनी आपला मोर्चा भाजप कार्यालयाकडे नेत जोरदार घोषणाबाजी केली. यावेळी शिवसेनेचे गुलाबराव वाघ, महापौर जयश्री महाजन, सुनिल महाजन, गजानन मालपुरे, शिवराज पाटील, शोभा चौधरी यांच्यासह शिवसेनेचे कार्यकर्ते उपस्थित होते.
पोलीसांची दमछाक
शिवसैनिकांनी बळीराम पेठेतील भाजप कार्यालयात जावून नारायण राणे यांच्या विरोधात घोषणाबाजी करत कोंबड्या सोडल्या. यावेळी पोलिसांचा ताफा देखील होता. भाजप कार्यकत्र्यांनी यावेळी शिवसैनिकांना अडविण्याचा प्रयत्न केला. यामुळे काही वेळ गोंधळ उडाला होता. यामुळे पोलिसांची देखील चांगलीच दमछाक उडाली.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.