जामनेर (जळगाव) : पावसाळ्याचे दिवस असल्याने साप बाहेर येऊन गवतात किंवा कोपऱ्यात येत येत असतात. अशाच प्रकारे आडोश्यात कोपऱ्यामध्ये असलेल्या सापाने घराच्या बाहेर काम करणाऱ्या तरुणाला दंश केला. विषारी नाग जातीचा साप असल्याने काही तासातच तरुणाचा मृत्यू झाला आहे. 

जामनेर (jamner) तालुक्यातील गारखेडा या गावात हि दुर्दैवी घटना घडली असून यात राजू संतोष गायकवाड (वय २०) या तरुणाचा मृत्यू झाला आहे. राजू गायकवाड हा सायंकाळच्या सुमारास घराजवळ काम करीत होता. याच वेळी नाग जातीच्या सर्पाने डाव्या हाताला दंश केला. काही तरी चावल्याचे लक्षात आले. (Snake Bite) यानंतर हाताची आग होऊ लागली. यामुळे कुटुंबीयांनी तातडीने त्याला जामनेर उपजिल्हा रुग्णालयात उपचारासाठी आणले, 

मात्र प्रकृती खालावत असल्याने त्याला जळगावच्या शासकीय वैद्यकीय महाविद्यालयात दाखल करण्यात आले. दरम्यान तिथे डॉक्टरांनी तपासून मृत घोषित केले. या घटनेने गायकवाड कुटुंबावर दुःखाचा डोगर कोसळला आहे. राजू गायकवाड शेतीकाम करून आपल्या कुटुंबाचा उदरनिर्वाह करीत होता. त्याच्या पश्चात आई, भाऊ, पत्नी, दोन मुले असा परिवार आहे. सर्पतज्ज्ञांच्या माहितीनुसार साप चावण्याच्या खुणावरून नाग जातीचा साप असल्याचा अंदाज व्यक्त आहे.