जळगाव : मुंबई येथे दरोडा टाकून चोरून आणलेली सोनसाखळी दोघांनी संगणमताने तोंडापूर येथील एका (Gold) सोने चांदी विक्रेत्याकडे अल्पदरात विक्री केली. गुरूवारी रात्री बारावाजेच्या हा प्रकार समोर आली. (Jalgaon) यानंतर पोलिसांनी एकास अटक केली आहे. (Tajya Batmya)

मांडवे बुद्रुक येथील भारत पांडुरंग लोखंडे (वय ३०) याने मुंबई येथून एका महिलेची सोनसाखळी चोरून मांडवे खुर्द येथील विनोद मराठे (वय ४७) यांच्याकडे दिली. मात्र हि माझीच आहे अशी माहिती दिल्याने दुकानदार यांना दोघांनी संगणमत करून त्या सोनसाखळीची तोंंडापूर येथील सोने चांदीच्या (Jamner) दुकानात जाऊन विक्री केली. दरंयान शुक्रवारी रात्री मुंबई पोलिसांनी पहुर पोलिसांच्या मदतीने सोनसाखळी चोरट्याला मांडवे बुद्रुक येथून रात्रीच ताब्यात घेतले. दुकानात जावून चौकशी केली असता विक्री करतांना सोबत असलेल्या मांडवे खुर्द येथील विनोद मराठे हे पोलिसांना तपास कामात सहकार्य न करता फरार असून तोंडापूर येथील सोने खरेदी करणाऱ्या अतुल काळे याच्याकडून साकळी जप्त केली. 

अतुल काळे यांच्याकडे अशा प्रकारचे चोरीचे सोने घेतल्याचे ही पाचवी वेळ असून तोंडापूर हे चोरीचे सोने घेण्याची केंद्र बनले आहे. बरेच चोरटे सोनं तसेच मोटरसायकली ची चोरी करून त्याची विल्हेवाट तोंडापूर येथूनच लावत असतात. मात्र अद्याप त्यांच्यावर कोणतेही कारवाई झालेली नाही. रात्रभर मुबंई पोलिसांनी काय कार्यवाही केली याची गुप्तता पाळण्यात आल्याने चोरून आणलेले सोने किती होते याची माहिती मुंबई पोलिसांनी स्थानिक पोलिसांनाही देण्यात आली नाही.